Tandemi, i cili është mbajtës i një sërë dallimesh prestigjioze, për herë të parë doli në skenë në vitin 1975 me një koncert në sallën e Akademisë Muzikore. Atëherë të dy ata ishin studentë të porsa mbaruar dhe pedagogë, që bënin hapat e parë.

Të dy muzikantët do të shënojnë jubileun 40 vjeçar me një koncert në sallën “Bëllgarija”. Programi përfshin vepra të kompozitorëve Antonio Vivalldi, Pabllo Sarasate dhe Jozef Suk.

Angell Stankovi dhe Josif Radionovi incizuan koncertet e Vivalldit në vitet 90-të të shekullit të kaluar, por disku doli që në vitin 2011. Shkaqet për këtë i shpjegon profesori Angell Stankov: “Para kohe një kompani muzikore angleze kërkoi nga ne të incizojmë të gjitha 24 koncertet për dy violina të Vivalldit. E nisëm punën me mikun tonë, dirigjentin Allën Hejzëlldajn. Me të arritëm të incizojmë 6 prej koncerteve. Për fat të keq ai u sëmurë dhe u nda nga jeta. Ja përse puna pak u pezullua.”

Pyetjes çfarë këshilla u japin studentëve të Akademisë Kombëtare Muzikore Josif Radionov iu përgjigj:

“Nuk është lehtë, që në shekullin XXI të jesh muzikant klasik. Njerëzit, të cilët i kushtohen kësaj muzike, e kanë të qartë vështirësitë që do të hasin. Kështu që këshilli më i mirë është shembulli personal karriera jonë profesionale. Dhe më në veçanti të mos harrojnë se me kolegët duhet të kenë marrëdhënie të njerëzishme.”

Angell Stankovi shton: “Atë, që tha Josifi është me rëndësi të madhe. Në radhë të parë unë u këshilloj të bëhen njerëz. Jetojmë në një erë, në të cilën paratë janë gjithçka, edhe ditët tona janë të rreme. Shpesh herë ndodhemi në situata të vështira dhe mbetemi të gënjyer. Me profesionin tonë njeriu nuk mund të bëhet i pasur ose i njohur, por çdo ditë e ka privilegjin të prekë ndonjë gjë të madhe dhe të vërtetë.”

Përgatiti në shqip: Svetllana Dimitrova