Këtë javë qeveria e Pllamen Oresharskit vendosi të financojë dy projekte në Maqedoni. Projekti i parë ka të bëjë me ndërtimin e një ure për kalimtarë mbi lumin Otinja në Komunën e Shtipit, ndërsa i dyti – me një shesh sportiv dhe sallë rehabilitimi në shkollën e fëmijëve me zhvillim të vonuar në Shkup. Këto projekte flasin për vendosmërinë e Bullgarisë për të bashkëpunuar me Maqedoninë.
Për avancim në marrëdhëniet dypalëshe ka indikacione që nga fillimi i vitit. Sipas iniciativës së Sofjes, gjatë janarit ministrat e punëve të jashtme të Bullgarisë, Kristian Vigenin dhe të Maqedonisë, Nikola Popovski u pajtuan në përdorimin e ndërsjellë falas të ndërtesave për ambasadat në Shkup dhe Sofje. Gjatë muajit shkurt dy ministrat ia kërkuan Komisionit Evropian përkrahjen në ndërtimin e rrjetit të shpejtë hekurudhor midis Sofjes dhe Shkupit. Televizioni Kombëtar Bullgar lidhi kontratë me Radio Televizionin e Maqedonisë për transmetimin e programeve në të dyja vendet. Avancim kishte edhe në bashkëpunimin ndërkufitar. Filloi përgatitja e programit të periudhës 2014-2020, ku prioritetet kryesore janë mbrojtja e mjedisit, inkurajimi i turizmit dhe i trashëgimisë natyrore e kulturore, si dhe rritja e konkurrueshmërisë.
Fatkeqësisht, problemet kryesore në marrëdhëniet dypalëshe midis Bullgarisë dhe Maqedonisë mbeten të pazgjidhura. Nuk ka avancim të ndejshëm në çështjen e nënshkrimit të Marrëveshjes së Fqinjësisë së Mirë. Propozimi për festimin e përbashkët të ngjarjeve dhe personaliteteve historike nuk është qartësuar dhe po ashtu kundërshtohet nga disa rrethe në Maqedoni. Duke u marrë parasysh realitetet e brendshme politike në të dyja vendet, mund të ketë pauzë në përpjekjet për avancim në këto çështje.
Në Bullgari qeveria aktuale është duke u larguar nga posti, pritet qeveria teknike dhe zgjedhjet e parakohshme parlamentare. Në Maqedoni forca më e madhe opozitare – Bashkimi Social Demokratik i Maqedonisë (SDSM) nuk pranon rezultatet e votës, nuk merr pjesë në punën e Parlamentit të ri, plus që nëpër rrugët ka protesta të ashpra etnike, të cilat protesta janë me jehonë kontradiktore në Shqipëri dhe Kosovë, duke krijuar tension midis qeverive të tri vendeve. Në këto kushte pauza në zgjidhjen e çështjeve kryesore të raporteve bilaterale ndoshta është e mirë, sepse nevojiten zgjidhjetë qëndrueshme, të mara në kushte të qeta dhe stabile.
Përgatiti në shqip: Anna Kapitanova
Dhjetëra njerëz humbën jetën nga zjarri në resortin malor turk Kartalkaya 78 persona humbën jetën për shkak të zjarrit në një hotel në vendpushimin turk të skive Kartalkaya, provinca Bolu, në veriperëndim të Turqisë. Në mesin e të vdekurve ka..
Presidenti Rumen Radev zhvilloi një bisedë telefonike me Përfaqësuesin Special të BE-së për Dialogun Beograd-Prishtinë dhe Ballkanin Perëndimor, Mirosllav Llajçak. Të dy diskutuan aspektet e procesit të integrimit evropian të vendeve të rajonit. Të dy..
Bullgaria doli nga një gjumë i gjatë politik - 81 ditë pas votimit të gjashtë të parakohshëm parlamentar, Kuvendi Popullor zgjodhi qeverinë e 105-të të vendit. 125 deputetë mbështetën kabinetin e koalicionit, të vulosur nga një marrëveshje midis tre nga..