Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Komisioni Qendror i Zgjedhjeve parashikon masa të rrepta për zgjedhjet e ardhshme parlamentare më 5 tetor

Foto: arkiv

Masa shumë të rrepta parashikon Komisioni Qendror i Zgjedhjeve për zgjedhjet e ardhshme parlamentare. Do të kontrollohet tërë procesi i shtypjes së fletëvotimeve, të cilat sipas kodit të ri zgjedhor do të shtypen vetëm në Bankën Popullore Bullgare. Autenticiteti i 2 500 nënshkrimeve të grumbulluara nga partitë dhe koalicionet do të kontrollohet nga Kryedrejtoria “Regjistrimi Civil dhe Shërbimi Administrativ”.

Komisioni Qendror i Zgjedhjeve ua ka refuzuar regjistrimin për pjesëmarrje në zgjedhjet e ardhshme parlamentare para afatit më 5 tetor dy partive. Këto janë Partia Komuniste Bullgare dhe “Bullgaria Tjetër”, e cila pretendon për përkrahje ndaj emigracionit bullgar. Vendimi i Komisionit Qendror të Zgjedhjeve mund të apelohet para Gjykatës Supreme Administrative. “Deri më 30 gusht mund të regjistrohen të gjitha partitë dhe koalicionet, të cilat nuk kanë marrë të drejtën e regjistrimit dhe kanë marrë lejë për regjistrim nga Gjykata Supreme Administrative”, deklaroi zëdhënësi Aleksandër Andreev. Ai vuri në dukje se tani për tani gjithsej 20 parti dhe 7 koalicione kanë marrë të drejtën e pjesëmarrjes në zgjedhjet parlamentare. Drejtoria “Regjistrimi Civil dhe Shërbimi Administrativ” kontrollon autenticitetin e të gjitha nënshkrimeve dhe deri më 23 gusht pritet që të shpallë pozitën e vet për korrektësinë e nënshkrimeve të akoma 11 formacioneve. Zëdhënësi i Komisionit Qendror të Zgjedhjeve Aleksandër Andreev vuri në dukje se më shumë parti dhe koalicione ka pasur në zgjedhjet e vitit 2013 – 63 parti dhe 7 koalicione. Në vitin 2005 ka pasur 22 parti dhe koalicione, kurse në vitin 2009 – 18 parti dhe koalicione. Sipas fjalëve të tij, të gjitha komisionet rajonale kanë hyrë në fuqi dhe presin që deri më 25 gusht të regjistrojnë komitetet e iniciativës, të cilat do të shpallin kandidatët e pavarur. Pjesëmarrësit në zgjedhje duhet të paraqitin listat e kandidatëve deri më 2 shtator, bëri të ditur zëdhënësi i Komisionit Qendror të Zgjedhjeve. Pas kësaj do të hidhet shorti për numrin e fletëvotimit të partive dhe koalicioneve, të cilat janë regjistruar dhe kanë shpallur listat e kandidatëve. Me vendim të Komisionit Qendror të Zgjedhjeve votimi mekanik do të zhvillohet në 500 seksione dhe 10 rajone. Ky votim nuk do të merret parasysh, sepse është eksperimental.

Përgatiti në shqip: Vesella Mançeva




Последвайте ни и в Google News Showcase, за да научите най-важното от деня!

Më shumë nga rubrika

Godina e MPJ-së në Sofje

MPJ: Bullgaria mirëpret planin e Trump për Gazën

Bullgaria mirëpret planin konkret të Presidentit të SHBA-së Donald Trump për t'i dhënë fund operacioneve ushtarake në Gaza dhe vëren reagimin e shpejtë dhe pozitiv të Izraelit, tha Ministria e Punëve të Jashtme në rrjetin social X, cituar nga BTA...

botuar më 25-09-30 6.22.MD
Asen Vasilev

Asen Vasilev beson se është më e lehtë të jesh kryetar i vetëm i PP-së

Kryetari i "Po e Vazhdojmë Ndryshimin" (PP), Asen Vasilev, tha në një intervistë për televizionin bTV se është më e lehtë të jesh kryetar i vetëm i partisë sesa të qeverisësh si bashkëkryetar me dikë tjetër pas largimit të Kirill Petkov ...

botuar më 25-09-30 4.06.MD

Ngjarjet me adresë ballkanike

Kosova renditet e para për ndjenjën e sigurisë në Evropë Një raport ndërkombëtar i Gallup në shtator e renditi Kosovën midis vendeve më të sigurta në botë. Vendi ballkanik renditet i treti globalisht dhe i pari në Evropë për sa..

botuar më 25-09-26 7.05.MD