Vasill Petrov edhe sivjet e frymëzoi publikun e “Apolonisë”

botuar më 14-09-13 11.15.PD]

БНР Новини

Foto: BTA

Radioja Kombëtare Bullgare feston përvjetorin e saj 80-të me një sërë koncertesh në mbarë vendin. Turi filloi më 1 shtator në qytetin e Vranës dhe përfundon më 13 shtator në qytetin e Plovdivit. Pjesëmarrësit e zakonshëm të koncertit janë Big Bendi i Radios Kombëtare Bullgare, këngëtaret Jordanka Hristova dhe Maragarita Hranova, si dhe muzikanti i talentuar Vasill Petrov.

Më 3 shator në kuadër të festivalit “Apolonia” në pushimoren Sozopoll, media jonë e kishte ditën e vet të radios. Krahas aktiviteteve të tjera, Radioja Kombëtare Bullgare dha një koncert i cili u mbyll nga Vasill Petrovi. Ai ekzekutoi veprat e mirënjohura “My way” dhe “New York, New York”, duke e bërë për vete publikun e Amfiteatrit të Sozopollit.

“Pritja”, interpreton Vasill Petrov së bashku me Big Bendin e Radios Kombëtare Bullgare Download

Update Required To play the media you will need to either update your browser to a recent version or update your Flash plugin.

Është për t’u përmendur fakti se gjatë 2011-ës Vasill Petrovi meritoi çmimin “Apolon Toksofors” i cili jepet për kontribut jashtëzakonisht të madh në zhvillimin e kulturës bullgare. Ja se çfarë tha vetë Vasill Petrovi për Festivalin “Apolonia”: “Në “Apolonia” marr pjesë që nga fillimi i festivalit. Para 25 vjetëve pata një koncert këtu. Atëherë nuk i kisha kryer studimet në Akademinë e Muzikës. Nga viti 1994 fillova rregullisht të merrja pjesë në këtë aktivitet. Fillimisht skenës i ngjitesha së bashku me muzikantët e xhazit Ljudmill Georgiev (saksofon) dhe Rumen Toskov (piano), dhe më pas së bashku me formacione të ndryshme muzikore. Kam dhënë gjithsej 20 koncerte. Më të bukurat ishin në Amfiteatrin e Sozopollit bashkë me orkestra të mëdha. Tani po më kujton bashkëpunimi me Filarmoninë e Plevenit nën dirigjimin e Georgi Notevit. Sivjet prezantoj projektin tim të ri i cili është punë e përbashkët me Big Bendin e Radios Kombëtare Bullgare. Ky projekt përfshin pesë këngë autoriale sipas tekstit të Aleksandër Petrovit dhe Mihaill Bellçevit, si dhe hite botërore të aranzhimit të Antoni Donçevit, Angel Zaberskit – bir dhe të Vasko Spasovit. Me Big Bendin e Radios Kombëtare Bullgare punohet rehat dhe është një orkestër shumë e mirë. Pas turit kushtuar përvjetorit të 80-të të radios vazhdojmë me koncertet nëpër vendet e ndryshme të Bullgarisë. Gjatë muajit nëntor do të jap koncerte në ShBA dhe Gjermani. Kam planifikuar po ashtu koncerte për festat e fund vitit, disa prej tyre do t’i jap së bashku me Korin Bullgar.”

Turi i Vasill Petrovit në ShBA do të mbahet nga data 1 deri më 19 nëntor dhe i është kushtuar përvjetorit të 99-të të lindjes së Frank Sinatrës.

Përgatiti në shqip: Anna Kapitanova

Последвайте ни и в Google News Showcase, за да научите най-важното от деня!

Ndaje

Vasill Petrov edhe sivjet e frymëzoi publikun e “Apolonisë”

Më shumë nga rubrika

Grupi “Kanella”, aroma e fëmijërisë dhe bukuria e poezisë

“Të mos ndalojmë së kërkuari” – mesazhi në muzikën e Zhivko Vasilevit

"U përmbys mali" – “Deep Zone Project” u përcjell brezave muzikën e mirë bullgare