Nëse Bullgaria bëhet një vend tërheqës për industrinë botërore të inxhinierisë, atëherë interesi i prodhuesve të mëdhenj sigurisht do të shtohet. Këtë e tha z. Ksavie Rishe, Prof. nga Sorbona e Parisit gjatë Konferencës Ndërkombëtare “Rritja ekonomike: stimujt dhe pengesat” në Sofje. Interes nga ana e sektorit ndërkombëtar të inxhinierisë ka për Rajonin e Ballkanit. Një shembull i tillë është bashkëpunimi midis kompanisë së prodhimit të automjeteve “Litex Motors” dhe kompanisë kineze “Ggreat Wall”.

Për mendimin e znj. Rosica Angellova, Prof. në Akademinë Bullgare të Shkencave: “Vitet e fundit kultura financiare e bullgarit është rritur. Kujdesim më shumë kur marrim kredi. Për fat të keq, bëjmë investime kryesisht në sektorin e tregtisë dhe shërbimeve, pra sektor i cili nuk kontribuon mjaft në rritjen e ekonomisë. Në vend të investojmë në fushën e inxhinierisë, edhe në fusha të tjera me strategji.”

Sektori i bujqësisë në Bullgari varet shumë nga fondet evropiane dhe aktualisht megjthë traditën që kemi në këtë sektor, 90 për qind e perimeve dhe frutave vijnë nga importi.

Periudha 2001-2008, pra vitet para krizës, ishte shumë e favorshme për Bullgarinë në krahasim me investimet e pakta para kësaj. Atëherë ekonomia regjistroi rritje rreth 5.5- 6 për qind në bazë vjetore. Investimet e huaja të drejtpërdrejta gjatë vitit 2007 arritën 7 mlrd euro, duke u marrë parasysh se gjatë viteve të 90-ta ato ishin simbolike.

Po të marrim investimet e huaja në PBB dhe përkatësisht në degat e ndryshme të ekonomisë, do të shohim se 70-80 për qind e investimeve janë në sektorët jo-prodhues – shërbimet financiare, pasuritë e patundshme dhe tregtia me dyqanet e mëdha. Pra, këta sektorë nuk kontribuojnë në TVSH, as në rritjen e ekonomisë. Ja nga vjen iluzioni që kemi pasur shumë investime të huaja, ndërsa tani jo. Gjatë krizës ulja e investimeve ishte e ndjeshme dhe aktualisht investimet e huaja në Bullgari janë 1-2 për qind e PBB-së ose rreth 200 mln euro.

Pse në Irlandë, p.sh, taksat e ulëta funksionojnë mirë, derisa në Bullgari jo – as për sa i përket shumës së ulët të pagesës, as për sa i përket  taksës së sheshtë. “Në Bullgari taksa e sheshtë u aplikua pa pritur në ekonomi, pa asnjë logjikë dhe çoi vetëm në rritjen e jahteve dhe avionëve”, tha znj. Rosica Rangellova.

Kyçi për tërheqjen e investimeve është përmirësimi i kushteve të biznesit, pra të ketë politikë dhe siguri në ekonomi. Në Bullgari ndërrimi i shpeshtë i qeverisë krijon pasiguri dhe investitorët nuk e dinë se çfarë të bëjnë.

Sipas fjalëve të znj. Rosica Rangellova: “Irlandezët janë mjaft largpamës që të mos ndryshojnë 36 vjet radhazi politikën e tyre ekonomie megjithë ndërrimin e shpeshtë të qeverisë. Derisa në Bullgari kjo nuk vlen – çdo qeveri e re e refuzon politikën e asaj të mëparshme. Po të arrijmë të bashkohemi rreth interesit kombëtar dhe jo atij personal, do të shpresojmë në interesin më të madh të investitorëve të huaj.”

Përgatiti në shqip: Anna Kapitanova