Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Orkestra Simfonike e Radios Kombëtare Bullgare shoqëron Sarah Brightman më 12 nëntor në “Arena Armeec” të Sofjes

БНР Новини
Foto: EPA/BGNES

Po vjen një ngjarje që pritet me padurim nga fansat bullgarë – debutimi i sopranos me famë botërore Sarah Brightman. Koncerti do të mbahet më 12 nëntor në sallën e Sofjes “Arena Armeec”.

“Për ne është nder që do të bashkëpunojmë me Orkestrën Simfonike të Radios Kombëtare Bullgare gjatë koncertit të Sarah Brightman-it” – tha z. Petër Petrov, menaxher i përgjithshëm i kompanisë “Balkan Entertainment”, organizatore të koncertit. – Turi botëror i Sarah Brightman-it është me moton “Hitet më të mëdha” dhe presim të dëgjojmë këngët e saj më të popullarizuara.”

51 muzikantë nga Orkestra Simfonike e Radios Kombëtare Bullgare do ta shoqërojnë Sarah Brightman. Në Bullgari sopranoja do të vijë me grupin e saj, sepse stili i saj nuk kërkon vetëm instrumente klasike. Ende nuk dihet kush do të dirigjojë koncertin e Sarah Brightman-it. Dihet se këngëtarja ka marrë me vete një tenor mysafir i cili e shoqëron atë gjatë gjithë turit. Sarah Brightman do të vijë me një ekip 24 personash, të cilët do të përgjigjen për realizimin teknik. Prapa saj do të vendoset një ekran i madh. Tani për tani projektimet në ekran janë sekret. Ndër fansat qarkullojnë thashetheme se përveç momenteve yjore të karrierës së saj do të projektohen kuadro me tematikë kozmike. Le të kujtojmë se gjatë 2015-ësSarah Brightman do të jetë turisti i tetë i cili do të shkelë bordin e Stacionit Kozmik Ndërkombëtar.

Përgatiti në shqip: Anna Kapitanova



Последвайте ни и в Google News Showcase, за да научите най-важното от деня!

Më shumë nga rubrika

Kryevepra të kulturës muzikore bullgare: Marin Goleminov dhe drama e vallëzimit “Nestinarka”

E përfunduar në vitin 1940, drama e vallëzimit u shfaq për herë të parë më 4 janar 1942 në Operën e Sofjes nën drejtimin e dirigjentit Asen Najdenov. Libretisti dhe regjisor ishte Hrisan Cankov, koreografinë e bëri Maria Dimova – një..

botuar më 25-11-07 6.10.PD

Plovdiv Jazz Fest mbledh muzikantë nga Bullgaria dhe bota

Shtëpia e Kulturës “Boris Hristov” në qytetin e Plovdivit është nikoqire e edicionit të përvitshëm të Plovdiv Jazz Fest 2025. Nga sot deri më 9 nëntor, festivali mbledh muzikant xhaz nga Bullgaria dhe bota, duke ofruar një program të larmishëm me..

botuar më 25-11-07 5.05.PD

“Tonika SV” shënon 45-vjetorin në skenë

Një nga grupet vokale më të njohura të viteve 80-të të shekullit të kaluar  – “Tonika SV” – shënon 45 vjet në skenë me një koncert të madh në Sofje. Më 8 nëntor, në Sallën 1 të Pallatit Kombëtar të Kulturës, do të tingëllojnë hitet më të mëdha të..

botuar më 25-11-06 5.55.PD