Takimi i dhjetë kombëtar folklorik në Tërgovishte – “Ura midis brezave”

botuar më 14-11-06 4.20.MD

Foto: arkiv

Më 7 dhe 8 nëntor në qytetin Tërgovishte fillon takimi tradicional folklorik “Ura midis brezave”. Më shumë hollësi për aktivitetin mund të mësoni nga drejtoresha e tij artistike Elena Vasileva:

“O moj Done, vashe e bukur”, int. Zheçka Sllaninkova, grupi instrumental “Traki” Download

Update Required To play the media you will need to either update your browser to a recent version or update your Flash plugin.

“Këto janë ditët, në të cilat qyteti ynë shndërrohet në një vatër të kulturës bullgare. Ky forum, i cili filloi para 10 vitesh, përbën jo vetëm skenë të shfaqjeve të ndryshme dhe të këmbimit krijues. Ai u jep mundësi nxënësve dhe studentëve, të cilët studiojnë folklor bullgar, të marrin dituri nga mjeshtërit më të mëdhenj – instrumentistët dhe këngëtarët. Si organizatorë, ne përpiqemi të ftojmë çdo vit pedagogë të ndryshëm. Në këtë mënyrë të rinjtë njihen me më të mirët në artin folklorik. Në Tërgovishte ata takohen që të këmbejnë ide krijuese. Të gjithë janë bashkë në skenë dhe konkurrojnë njëri me tjetrin. Kështu në koncertet e mbrëmjes publiku mund të shohë interpretues të brezave të ndryshëm. Sivjet pjesëmarrësit janë njerëz të rinj, përfaqësues të shkollave të ndryshme muzikore nga Kotel, Shumen, Veliko Tërnovo, Jamboll. Plovidivi dhe Varna. Ne mendojmë për talentet e reja dhe punojmë me ta, që të mund të ruhet autenticiteti i çdo një krahine folklorike.”

“E ka dashur Gjergji kunatën”, int. Galina Durmushlijska, Temellko Ivanov (fyell) Download

Update Required To play the media you will need to either update your browser to a recent version or update your Flash plugin.

Në edicionin e dhjetë të Takimit folklorik në Tërgovishte Zheçka Sllaninkova do të japë mësime të këndimit të stilit të Stranxhës. Stili i Trakisë do të paraqitet nga këngëtarja popullore Vanja Vëllkova, ai i Dobruxhës – nga Galina Durmushlijska. Stili i këndimit të Rodopeve do të paraqitet nga këngëtarja e talentuar Neli Andreeva. Si këndohet në Krahinën e Pirinit, këtë do të na tregojë Rumjana Fillkova. Katër pedagogë të veglave folklorike nga Akademia e Plovdivit do të japin mësime në kuadrin e “Urës midis brezave”. Këta janë Temellko Ivanov (fyell), Nikollaj Paskalev (tambura), Vlladimir Vlladimirov (mandolinë) dhe Ivan Simeonov (gajde). Ata do të punojnë me të gjithë, të cilët kanë deklaruar dëshirë për pjesëmarrje. Ja se çfarë tha Elena Vasileva: “Lektori në konferencën tradicionale, e cila zhvillohet në kuadrin e takimit folklorik, është etnomuzikologia e dashur nga të gjithë ne prof. Rumjana Cincarska. Konferenca do të mbahet më 8 nëntor. Ftojmë të gjithë, të cilët e duan folklorin bullgar dhe duan t’i përkrahin talentet e reja në Shtëpinë Rinore “Tërgovishte” dhe në vatrën kulturore “Napreduk” (“Përparim”) në qytet”.

Sipas traditës në urën midis brezave” marrin pjesë edhe mikpritësit, të cilët kanë mbaruar shkollën “Profesori Nikolla Marinov” dhe ansambli folklorik “Shareno Gerdançe”. Ata do të paraqiten në skenë mbrëmjen e parë. Takimi do të mbarojë me një koncert, në të cilin do të vihet theks te pedagogët e talenteve të reja. Publiku do të mund të shijojë veprat e tyre.

Përgatiti në shqip: Vesella Mançeva

Последвайте ни и в Google News Showcase, за да научите най-важното от деня!

Ndaje

Takimi i dhjetë kombëtar folklorik në Tërgovishte – “Ura midis brezave”

Më shumë nga rubrika

E kuqe dhe e bardhë - amuleti bullgar i pranverës për shëndet është i mbështjell me legjenda dhe besime

Hyjmë në studion e gdhendjes së drurit në Samovodska Çarshija

Shkencëtarët francezë do të studiojnë trashëgiminë kulturore të ruajtur në "Etëra"

E kuqe dhe e bardhë - amuleti bullgar i pranverës për shëndet është i mbështjell me legjenda dhe besime