Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Pianistja Fani Kucarova: “Muzika më bëri personalitetin që jam sot”

БНР Новини
Foto: fannykoutzarova.com

Fani Kucarova duke qenë pianiste, pedagoge dhe interpretuese solo njihet mirë jo vetëm mes muzikantëve, por dhe mes dashamirësve të zhanrit klasik. Arsimin ajo e ka kryer në Sofje, duke trashëguar talentin familjar në muzikë dhe mësimdhënie. Pianistja nuk pushon t’i bjerë instrumentit të preferuar prej saj, të incizojë vepra të reja dhe t’u japë mësime të vegjëlve dhe të rriturve. Gjatë nëntorit Fani ka përgatitur një sërë koncertesh interesante.

“Tema e cila më intereson më së shumti është përvjetori i 100-të i lindjes së profesoreshës sime të dashur Ljuba Ençeva – tregon Fani Kucorova. – Në kujtim e saj së bashku me klarinetistin Vencisllav Trifonov do të bëjmë një sërë koncertesh.”

Fani Kucarova ka mësuar artin e muzikës solo dhe artin e muzikës së dhomës në shkollën muzikore në Sofje në klasën e profesoreshës Ljuba Ençeva. Kjo e fundit është ndër pianistet më të mira të shekullit të kaluar me njohje në mbarë botën. Muzika e dhomës ka qenë zhanri i preferuar i profesoreshës. Bashkë me profesorin Sava Dimitrov ajo ishte përfshirë në duetin e parë për piano dhe klarinetë.

“Pikërisht ky duet i së kaluarës u bë shkak për themelimin e formacionit tim me Vencisllav Trifonovin – komenton Fani. – Koncertet tona përfshijnë tri sonata të duetit Ljuba Ençeva-Sava Dimitrov. Shumë vite isha në kërkim të një klarinetisti të mirë dhe ja se e gjeta te Vencisllav Trifonov. Deri tani kemi pasur disa ture. Jemi të kënaqur sepse në repertorin e duetit ka vepra të shkruara posaçërisht për ne. Autori i tyre është kompozitori hebraik me origjinë ruse Boris Levenberg. Prej 20 vjetëve jam në duet edhe me kitaristin Rosen Ballkanski. Në fakt, bëhemi një trio interesante kur jem bashkë me Rosenin dhe Vencisllavin. Doli se pikërisht për këto instrumente – piano, kitarë dhe klarinetë, Moris Ravel ka sjellë muzikë shumë të bukur.”

Përveç muzikës bashkëkohore në repertorin e Fani Kucarovës gjendet dhe muzika klasike, romantike dhe paraklasike. Karriera e saj e muzikantes solo tani për tani ka të bëjë vetëm me incizime. Fanit ia kanë propozuar pjesëmarrjen në projektin e madh “Invencione dyzërshe dhe trezërshe” të Bahut. Pianistja ka dëshirë të incizojë disa vepra të një kompozitori bullgar me origjinë hebraike – Menahem Bensusan. Gjatë Luftës së Dytë Botërore ky i fundit duhej të emigronte në SHBA. Ai ka qenë dentist për nga profesioni, por deri në fund të jetës nuk ka pushuar të kompozonte muzikë me tinguj tipikë bullgarë. Kompozitori nuk ka pasur trashëgimtarë, një shok i tij i ka arkivuar veprat e Menahem Bensusanit dhe i ka dërguar ato në Izrael. Nga ajo kohë kanë kaluar vite të tëra dhe koncerti i parë në të cilin Fani Kucarova ka prezantuar një pjesë të veprave ishte para 10 vjetësh dhe këto janë incizuar në Radion Kombëtare Bullgare. Fusha e tretë ku pianistja zhvillohet profesionalisht është mësimdhënia. Nxënësit e saj janë nga mosha 3 vjeçare deri në moshën 56 vjeçare. Bashkë me ta më 9 nëntor Fani do të japë koncert në Sallën e Arkitektëve në Sofje.

Përgatiti në shqip: Anna Kapitanova



Последвайте ни и в Google News Showcase, за да научите най-важното от деня!

Më shumë nga rubrika

"Përmes 100 tokave" - Vjara Panteleeva na çon në një udhëtim drejt vetvetes

Vjara Pantaleeva mirëpriti pranverën dhe po hyn në verë me një këngë të re. "Përmes 100 tokave" është një rrëfim përrallor për rrugëtimin personal që secili prej nesh nis herët a vonë. Misticizmi në aspektin muzikor nënkuptohet me një motiv të lehtë..

botuar më 24-06-13 11.35.PD

Kore nga Bullgaria, Serbia dhe Angola prezantohen në Festivalin "Tingujt e Detit të Zi"

22 kore nga Bullgaria, Serbia dhe Angola po marrin pjesë në edicionin e sivjetmë të Festivalit Ndërkombëtar Koral "Tingujt e Detit të Zi" në qytetin bregdetar bullgar Ballçik nga 12 deri më 16 qershor. Përveç katër mbrëmjeve të festivalit gjatë..

botuar më 24-06-12 6.10.PD

"Kur të takova" - kitaristi Mirosllav Ivanov me një këngë solo

Mirosllav Ivanov është një kitarist, aranzhues dhe autor i muzikës, i cili është i pranishëm në shumicën e grupeve dhe projekteve më interesante të muzikës bashkëkohore bullgare. Ai gjithashtu ka tre albume solo me muzikë instrumentale -..

botuar më 24-06-11 8.25.PD