Më 24 nëntor në Sofje pritet një ngjarje të madhe muzikore – Rock&Roll do të gërshetohet me muzikën simfonike. Shkak është jubileu 80 vjeçar i Radios Kombëtare Bullgare, i cili në kuadrin e 80 javëve shënohet me shfaqje të ndryshme. Koncerti në Pallatin Kombëtar të Kulturës është projekti me përmasa më të mëdha. Ai do të realizohet në sajë të përpjekjeve të Shtëpisë Muzikore të Radios Kombëtare Bullgare.
Për herë të parë në një skenë do të dalin këngëtarët Orlin Goranov dhe Milena me grupet “Faktor”, “Revju”, “Diana Ekspres”, “Anallgin”, “Signall”, BTR, FSB, “Shturcite” dhe të tjerë, bashkë me Orkestrën Simfonike të Radios Kombëtare Bullgare. Muzikantët pop dhe rok do të interpretojnë këngët më të mira të repertorit të tyre. Në pultin e dirigjentit do të qëndrojë Grigor Palikarov. Publiku do të dëgjojë këngë të dashura dhe të preferuara në një aranzhim të ri – vepër të muzikantëve Georgi Andreev dhe Rumen Bojaxhiev – bir. Në program gjeti vend edhe krijimtaria e muzikantëve të ndjerë bullgarë, por veprat e interpretuara prej të cilëve akoma mbahen mend. Këtu mund të përmendim Georgi Minçev, Çoço Vlladovski dhe Dimitër Voev nga “Nova Generacia”. Këngët e tyre do të tingëllojnë jo vetëm në një variant të ri, por në interpretim të këngëtarëve të dashur.
Përgatiti në shqip: Svetllana Dimitrova
Në prag të verës, dy vëllezër - Javor dhe Viktor Georgievi - na ofrojnë këngën e tyre më të re, të titulluar pikërisht kështu - "Vera", nga projekti i tyre i ri SinFin. Vitin e kaluar 2023, Javor dhe Viktor regjistruan albumin e tyre debutues..
Në qytetin e Plovdivit, më 8 dhe 9 qershor do të mbahet festivali muzikor për muzikë elektronike me emrin LOST in HILLS. Programi dyditor në kodrën piktoreske të Bunarxhikës përfshin mbi 40 artistë që do të performojnë në tre skena. Publiku do të..
Një nga përfaqësuesit më të njohur të bluеsit në Bullgari, Vasko Krëpkata (Arna), feston sot 65-vjetorin e lindjes. Vasill Georgiev ka lindur më 6 qershor 1959 në Sofje. Atje ai krijoi grupin e parë të njohur për këtë stil në lagjen “Poduene”, ku..