Fillon Festivali i 45-të i Operës dhe i Baletit në qytetin Stara Zagora

botuar më 14-11-24 11.53.PD

Opera Shtetërore në Stara Zagora

Foto: BGNES

Pas një ndërprerjeje njëvjeçare në qytetin Stara Zagora rimëkëmbet Festivali i Operës dhe i Baletit. Nga data 24 nëntor deri më 5 dhjetor do të mbahet edicioni i tij i 45-të. Ky veprimtari artistike daton që nga viti 1967 dhe gjatë ekzistencës shumëvjeçare në skenën e tij prezantuan krijimtarinë e tyre yje të tillë të mëdhenj të Bullgarisë si Nikollaj Gjaurov, Rajna Kabaivanska e shumë të tjerë.

Nessun Dorma nga opera Turandot nga Xhakomo Puçini, int. Emill Ivanov në shoqërim të Orkestrës Simfonike të Sofjes, dirigjent Stefan Linev

Update Required To play the media you will need to either update your browser to a recent version or update your Flash plugin.

Në kuadrin e Festivalit do të hapet një ekspozitë i kushtuar piktorit të ndjerë të Operës Shtetërore të qytetit Stara Zagora – Boris Stojnov. Më shumë hollësi tregon drejtori i operës Petko Bonev: “Vite me radhë ishim kolegë me Boris Stojnovin. Ky njeri i mrekullueshëm dhe profesionist i përsosur u nda nga jeta pa kohë dhe papritmas për të gjithë ne. Kështu që dëshirojmë të shfaqim respektin tonë ndaj tij me këtë ekspozitë me vepra të tij. I kushtojmë atij edhe premierën e operës “Otello”, sepse dekoret janë vepër të tij. Personazhet kryesore do të interpretohen nga këngëtarë me përvojë të pasur. Bashkë me tenorin me famë botërore Emill Ivanov dhe baritonin e madh Ivan Konsollov do të dalë në skenë këngëtarja e re Rusalina Moçukova si Dezdemona. Në personazhin Kasio do të mishërohet këngëtari Ivajllo Jovçev, i cili u propozua për çmimin “Lira e kristaltë” të Lidhjes së Muzikantëve Bullgarë. Në programin e festivalit do të marrë pjesë edhe Opera e Sofjes, e cila do të prezantojë operën e Rosinit “Hirushja”. Opera e qytetit Ruse do të paraqesë baletin e Çajkovskit “Romeo dhe Zhulieta”. Opera e Plovdivit përgatiti një shfaqje klasike. Kjo është “Bohemi” nga Puçini.”

Romancë e Radamesit nga opera “Aida”, int. Kamen Çanev me Orkestrën Simfonike të Radios Kombëtare Bullgare, dirigjent Luçano di Martino

Update Required To play the media you will need to either update your browser to a recent version or update your Flash plugin.

Në afishen e festivalit bënë përshtypje baleti “Fluturimi drejt dritës”, krijuar mbi fragmente të muzikës së kompozitorëve Çajkovski, Gershuin dhe të tjerë. Për këtë shfaqje Petko Bonevi tregon: “Ky balet do të prezantohet nga Opera e qytetit Ruse, e cila njihet me trupin e mrekullueshëm të baletit. Koreografja Sillvija Tomova bashkë me valltarët bëri një shfaqje të mrekullueshme. Si udhëheqës artistik i festivalit desha që spektatorët të kenë mundësi të shikojnë si shfaqje operistike, ashtu edhe të baletit. Për fëmijët do të prezantojmë mjuzikëlin “Lisa në botën e çudirave”.

Opera Shtetërore e qytetit Stara Zagora hapi sezonin e ri në fund të shtatorit me premierën e operës “Toska” nga Puçini. Miqtë e festivalit do të kenë mundësi të dëgjojnë këtë vepër me pjesëmarrjen e tenorit Kamen Çanev në rolin e Kavaradosit. Finali i festivalit do të shënohet me një koncert të madh me titull “Yjet e operës”. Në të në skenë do të dalin bashkë këngëtarët më të mirë operistikë të Bullgarisë.

Përgatiti në shqip: Svetllana Dimitrova

Последвайте ни и в Google News Showcase, за да научите най-важното от деня!

Ndaje

Fillon Festivali i 45-të i Operës dhe i Baletit në qytetin Stara Zagora

Më shumë nga rubrika

Edicioni i vjeshtës i SoFest i bashkon artet

Në “Librin e këngëve të BE-së” u përfshin 6 këngë të përjetshme bullgare

Një tjetër njohje e muzikës sonë amtare në këngën "Përgjithmonë"

"Dera e kyçur" – vepra më e re e këngëtarit Todor Gaxhallov