Dilema serioze para ruajtjes së hapësirës kombëtare ajrore

botuar më 15-06-28 11.05.PD

Foto: BGNES

Gjatë kësaj pranvere në mediat bullgare u përhap ideja, se aviacioni ushtarak i Bullgarisë mund të ruajë dhe hapësirën ajrore të Maqedonisë, në qoftë se Shkupi e pranon këtë dhe në qoftë se Sofja do të blejë gjuajtës të rinj shumërolesh . Gjatë kësaj jave në hapësirën mediatike doli ideja që ruajtja e hapësirës ajrore të vetë Bullgarisë të ndahet nga Forcat kombëtare Ushtarako-Ajrore me aviacionin e ndonjë shteti tjetër anëtar të NATO-s. Kryeministri Bojko Borisov dhe Presidenti Rosen Plevneliev shpejtë e hodhën poshtë këtë ide. Sipas Kryeministrit, aktualisht Bullgaria nuk mund t’i lejojë vetes blerjen e gjuajtësve të rinj, ndërsa ruajtja mund të realizohet si deri tani me gjuajtësit rusë MiG-29, pas riparimit të tyre. Presidenti gjithashtu është për remontin e makinave ruse dhe për ruajtjen e pavarur të qiellit bullgar, por ndryshe nga Kryeministri mendon, se duhet të blihen edhe gjuajtës të rinj. Ministri i Mbrojtjes Nikollaj Nençev është i mendimit, se Bullgaria duhet të ruajë vetë hapësirën e saj ajrore dhe pret të arrihet një marrëveshje për remontin e gjuajtëseve MiG me Poloninë. Por sipas palës ruse, Polonia nuk ka licencë për një gjë të tillë. Prania e shumë varianteve dhe shpeshtësia me të cilën ato ndërrohen flet për mungesën e një qëndrimi të qartë. Një qëndrim i qartë për kapacitetin e Forcave Ushtarako-Ajrore në momentin e tanishëm të tensionit në rajonin e Detit të Zi, të fluturimeve të shpeshta të avionëve rusë në hapësirën ajrore në afërsi të Bullgarisë dhe të angazhimeve ndaj NATO-s për rojë luftarake në lidhje me këtë. Të gjitha këto janë çështje të ngutshme në sfondin e shumë pikëpyetjeve, sepse Bullgaria mund të shpresojë në gjuajtësit MiG-29 vetëm deri në mesin e vitit tjetër; deri atëherë nuk ka mundësi teknike të armatoset me makina të reja; nuk ka mjete financiare për këtë, nuk ka edhe pajtim me idenë që ruajtja e hapësirës ajrore bullgare të merret nga shtete të tjera. Situata duket mjaft e ndërlikuar që të mund të përballohet me zgjidhje standarde dhe të lehta. Siç duket zgjidhje do të kërkohet dhe do të gjendet, me çdo çmim, me ndihmën nga jashtë.

Përgatiti në shqip: Sofia Popova

Последвайте ни и в Google News Showcase, за да научите най-важното от деня!

Ndaje

Dilema serioze para ruajtjes së hapësirës kombëtare ajrore

Më shumë nga rubrika

Hristijan Mickoski sulmoi sërish Bullgarinë për temën e “pakicës maqedonase”

Presidenti Rumen Radev kërkon sërish referendum për aplikimin e euros

“Bullgaria nuk mund të jetë një justifikim për mungesën e reformave”, tha ambasadori Radukov në Shkup

Gjuha e urrejtjes në Shkup çoi në sulm ndaj gazetarit Vllado Perev

Shkupi duhet t’i përfshijë bullgarët në kushtetutë