Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Dilema serioze para ruajtjes së hapësirës kombëtare ajrore

Foto: BGNES
Gjatë kësaj pranvere në mediat bullgare u përhap ideja, se aviacioni ushtarak i Bullgarisë mund të ruajë dhe hapësirën ajrore të Maqedonisë, në qoftë se Shkupi e pranon këtë dhe në qoftë se Sofja do të blejë gjuajtës të rinj shumërolesh . Gjatë kësaj jave në  hapësirën mediatike doli ideja që ruajtja e hapësirës ajrore të vetë Bullgarisë të ndahet nga Forcat kombëtare Ushtarako-Ajrore me aviacionin e ndonjë shteti tjetër anëtar të NATO-s. Kryeministri Bojko Borisov dhe Presidenti Rosen Plevneliev shpejtë e hodhën poshtë këtë ide. Sipas Kryeministrit, aktualisht Bullgaria nuk mund t’i lejojë vetes blerjen e gjuajtësve të rinj, ndërsa ruajtja  mund të realizohet  si deri tani me gjuajtësit rusë MiG-29, pas riparimit të tyre. Presidenti gjithashtu është për remontin  e makinave ruse dhe për ruajtjen e pavarur të qiellit bullgar, por ndryshe nga Kryeministri mendon, se duhet të blihen edhe gjuajtës të rinj. Ministri i Mbrojtjes Nikollaj Nençev është i mendimit, se Bullgaria duhet të ruajë vetë hapësirën e saj ajrore dhe pret të arrihet një marrëveshje për remontin e gjuajtëseve MiG me Poloninë. Por sipas palës ruse, Polonia nuk ka licencë për një gjë të tillë. Prania e shumë varianteve dhe shpeshtësia me të cilën ato ndërrohen  flet për mungesën e një qëndrimi të qartë. Një qëndrim i qartë për kapacitetin e Forcave Ushtarako-Ajrore në momentin e tanishëm të tensionit në rajonin e Detit të Zi, të fluturimeve të shpeshta të avionëve rusë në hapësirën ajrore në afërsi të Bullgarisë dhe të angazhimeve ndaj NATO-s për rojë luftarake në lidhje me këtë. Të gjitha këto janë çështje të ngutshme në sfondin e shumë pikëpyetjeve, sepse Bullgaria mund të shpresojë në gjuajtësit MiG-29 vetëm deri në mesin e vitit tjetër; deri atëherë nuk ka mundësi teknike të armatoset me makina të reja; nuk ka mjete financiare për këtë, nuk ka edhe pajtim me idenë që ruajtja e hapësirës ajrore bullgare të merret nga shtete të tjera. Situata duket mjaft e ndërlikuar që të mund të përballohet me zgjidhje standarde dhe të lehta. Siç duket zgjidhje do të kërkohet dhe do të gjendet, me çdo çmim, me ndihmën nga jashtë.


Përgatiti në shqip: Sofia Popova




Последвайте ни и в Google News Showcase, за да научите най-важното от деня!

Më shumë nga rubrika

 Драгош Пъслару

Ngjarjet me adresë ballkanike

Rumania rinegocion me BE-në Planin e saj Kombëtar për Rimëkëmbje dhe Qëndrueshmëri Komisioni Evropian miratoi variantin e ri të Planit Kombëtar për Rimëkëmbje dhe Qëndrueshmëri të Rumanisë, njoftoi ministri për fondet evropiane Dragoș Pîslaru, i..

botuar më 25-10-25 9.00.PD
Foto: Ministria e Mbrojtjes e Federatës Ruse

Bullgaria shpreh solidaritet me Lituaninë pasi Rusia shkeli përsëri hapësirën ajrore evropiane

“Bullgaria shpreh solidaritet të fortë me Lituaninë pasi Rusia shkeli përsëri hapësirën ajrore evropiane, që është një shembull i qartë i një shkeljeje të qëllimshme të së drejtës ndërkombëtare dhe integritetit territorial të aleatëve dhe partnerëve..

botuar më 25-10-24 6.08.MD

Presidenti Rumen Radev: Industria bullgare e mbrojtjes ofron mundësi për partneritete të suksesshme

“Industria bullgare e mbrojtjes, e cila ka provuar cilësinë e saj dhe ka marrë njohje ndërkombëtare, ofron mundësi të shkëlqyera për krijimin e partneriteteve të suksesshme dhe thellimin e bashkëpunimit dypalësh me Vietnamin në fushën e..

rinovuar më 25-10-24 4.57.MD