Ditën e diel protesta kombëtare e policëve mbaroi me caktimin e datës së një proteste të re për ditën e enjte. Nuk u arrit në konfrontime direkte me qeverinë, pasi Ministrja e Punëve të Brendshme Rumjana Bëçvarova bëri të ditur se ajo tërheq të gjitha reformat e saj në Ministrinë e Punëve të Brendshme dhe në Ministrinë e Mbrojtjes. Mirëpo, protestuesit nuk kanë arritur fitore dhe tensioni midis tyre dhe pushtetarëve po mbetet.
Kabineti tërhoqi ofertat e tij për reforma, por vazhdon të mbrojë pozitat e tij se protestat njëjavore të policëve ishin të paligjshme. Protesta të ligjshme në Bullgari janë ato, për të cilat ka paralajmërim paraprak dhe përkatësish lejë dhe sidomos policia, e cila është një organ, i cili duhet të ruajë rendin, nuk duhet ta shkelë këtë rregull.
Sindikatat e policëve janë të mendimit se nuk kërkohet dorëheqja e Ministres së Punëve të Brendshme, sepse problemi nuk është lidhur me personalitetin e saj, por me modelin e udhëheqjes. Ky vlerësim flet për karakterin politik të kërkesave sociale të policëve. Nga ana tjetër, megjithë pohimet e sindikatave, para Parlamentit ditën e diel u dëgjuan kërkesat për dorëheqje, gjë që flet për dallime ndër vetë protestuesit.
U shpreh dëshirë që në protestë të marrin pjesë edhe ushtarakët. Në protestën e së dielës para Parlamentit nuk kishte ushtarakë, kurse Ministri i Mbrojtjes shprehu mirënjohje se ata “nuk u përgjigjen provokimeve”. Në reaksionet e policisë dhe ushtrisë ndaj qëllimeve për reforma ka dallime dhe kjo është e dukshme. Kështu që tashmë nuk bëhet fjalë për protestë në sektorin “Siguria”, por vetëm për protestë në polici.
Pritet që ditën e enjte të fillojë leximi i parë i projektit për buxhetin shtetëror, me të cilin kabineti donte të kufizonte disa privilegje sociale të policisë. Deri atëherë do të ketë bisedime të sindikatave policorë me fuqitë parlamentare. Nuk është përjashtuar që protestuesit të marrin propozim për ruajtjen e privilegjeve sociale, me kushtin se ata nëpunës të MPB-së, që nuk i zbatojnë mirë detyrat e tyre, do të privohen nga ato. Për këtë praktikë në SHBA rikujtoi këto ditët e fundit ish-Kryeministri Ivan Kostov. Tani për tani ndër shoqëri nuk vëzhgohet solidaritet me protestën e policëve. Rezervat e shoqërisë ndaj kauzës së protestuesve është në favor të pushtetarëve dhe ata me siguri do të përpiqen të përfitojnë nga kjo.
Përgatiti në shqip: Vesella Mançeva
Traditat frankofone në Bullgari kanë një histori të pasur që daton që nga epoka e Rilindjes Kombëtare Bullgare. Edhe atëherë, kultura dhe gjuha franceze respektoheshin tek pjesa më e arsimuar e shoqërisë sonë si bartëse e vlerave evropiane. Dhe në..
Ekzaminimet multidisiplinare falas të kryera nga ekipet mjekësore bullgare dhe shqiptare në Kukës tërhoqën mbi 300 persona në dy ditët e fundit të qershorit. Ekzaminimet u transmetuan nga mediat kryesore shqiptare, duke përfshirë Radio Televizionin..
Mitropoliti i Vidinit Daniill është patriku i ri bullgar. Ai u zgjodh me 69 vota kundër 66 për Mitropolitin e Vracës Grigorij. Kishte edhe tre fletë votime të pavlefshme. Mitropoliti Daniill - me emrin laik Atanas Trendafillov Nikollov, lindi në..
Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por..
Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në..
Shtëpia e Historisë Evropiane - Brukseli viziton Muzeun Kombëtar Etnografik me ekspozitën udhëtuese "E vërteta apo gënjeshtër? Një histori e mashtrimeve..