Gjashtë deputetë të Lëvizjes për të Drejtat dhe Liritë, mes të cilëve është ish kryetari i saj Ljutvi Mestan, paraqitën kërkesa për largimin nga Grupi parlamentar i lëvizjes. Mestan u përjashtua nga posti para festave të Krishtlindjeve pas akuzave, se ka bërë gafën që nën udhëheqjen e tij Lëvizja të solidarizohet me Turqinë rreth kazusit me aeroplanin e rrëzuar rus. Tërheqja e përçarësve u bë pa shumë zhurmë dhe siç duket u dha fund mosmarrëveshjeve të gjata rreth kësaj çështje. Së paku një përshtypje të tillë krijon mungesa e temës në shtypin e ditës.

Nga vetvetiu dalja e gjashtë deputetëve nga Grupi parlamentar i LDL e la të pandryshuar raportin kryesor midis forcave në parlament. Përçarësit janë pak si numër për krijimin e një grupi parlamentar me vete dhe bëhen të pavarur, sepse njëkohësisht nuk kanë të drejtën t’ i bashkohen ndonjë grupi tjetër parlamentar.

LDL mbetet me 30 deputetë në parlament, por me gjithë se grupi i saj po pakësohet, ajo vazhdon të jetë e treta për nga madhësia. E para është partia në pushtet GERB me 84 vota, e dyta – PSB në opozitë, me 37 vota. Totali i votave të dy forcave më të mëdha në opozitë – të PSB dhe LDL, vazhdon të jetë më i vogël se ai i partisë në pushtet GERB, pa numëruar këtu votat e partnerit të saj të koalicionit – Blloku i Reformatorëve.

Në bazë të disa deklaratave paraprake të Mestanit mund të gjykohet, se si deputetë të pavarur përçarësit nga LDL me siguri do të jenë të gatshëm të mbështetin forcat e djathta, kjo në fakt është në favor të shumicës në pushtet. Në rrethana të tilla qeverisja do të jetë me e qëndrueshme dhe në perspektivë të afërt nuk do të ketë arsye për zgjedhje parlamentare të parakohshme. Me gjithë se është mbështetur kryesisht mbi kompromiset, qeverisja mbetet e qëndrueshme dhe kjo e favorizon Bullgarinë në situatën e ndërlikuar, të cilën përjeton Evropa në lidhje me krizën me refugjatët.

Në fund të fundit, lëkundjet e fundit në forcën politike të elektoratit turk nuk tejkalojnë caqet e problemit të brendshëm partiak, të ngjashëm me ato para disa viteve kur u përjashtuan dhe udhëheqës të tjerë të dalluar si Osman Oktaj dhe Kasim Dall. Edhe Oktaj, edhe Dall pas përjashtimit të tyre nga LDL u përpoqën të krijojnë projekte të veta politike, por patën rezultate modeste. Me siguri një tentative në këtë drejtim nga ana e Ljutvi Mestanit në hapësirën liberale do të kishte rezultatin e njëjtë. Prognozat janë se pas largimit të 6 deputetëve LDL nuk do të përçahet, sepse anëtarët e saj posedojnë instinktin e palëkundur për unitet.

Më ecurinë e ngjarjeve dramatike rreth përjashtimit të Ljutvi Mestanit u ngritën një sërë pyetjesh shqetësuese – a e ka vënë Ljutvi Mestan LDL në shërbim të Turqisë fqinje në dëm të interesave kombëtare, sepse pas përjashtimit ai kërkoi mbrojtje në ambasadën e Ankarasë në Sofje, pse i ishte hequr roja e shtetit, me çfarë arsye kishte tentativë për ndërhyrjen e zyrtarëve turq në një problem të brendshëm të një partie bullgare e kështu me radhë. Shoqëria bullgare është shumë e ndjeshme ndaj pyetjeve të tilla dhe mund të thuhet së nuk mori përgjigjen që priste prej tyre.

Përgatiti në shqip: Sofia Popova