Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Xhaz trombonisti Vili Stojanov me incizime dhe turne të reja

Foto: Брас Асоциация

Tromboni është ndër veglat muzikore që kanë aplikim të njëjtë si në muzikën klasike, ashtu edhe në atë xhaz. Velisllav Stojanov gjatë viteve të fundit bëri shumë që ky instrument të fitojë popullaritet më të madh në skenën tonë muzikore. Dëshmi për këtë është projekti i tij më i ri “Tromboni i Vilit në muzikën swing”, në të cilin ai i kushton vëmendje zhvillimit të instrumentit gjatë viteve, duke filluar nga swingu amerikan gjatë viteve 30 të shekullit të kaluar. Më 20 janar në një klub të kryeqytetit Vili Stojanovi bashke me  Xhaz trion  prezantoi trombonin në një dritë të panjohur për shumicën e melomanëve. 

Këtë  projekt  e kisha planifikuar, por nuk pata kohë për ta realizuar – rrëfen ai. Si trombonist i kushtoj vëmendje më të madhe këtij instrumenti. Në SHBA ai gëzon respekt të madh dhe ka shumë muzikantë që kanë kontribuar për  zhvillimin e tij në gjini të ndryshme. Projekti im i ri i është kushtuar pikërisht trombonit. Dëshira ime e madhe është ta njohë publikun  bullgar me xhaz muzikën e interpretuar me trombonin përtej oqeanit. Koncerti ynë i parë përfshinte pjesa të trombonistëve të ndryshëm amerikanë. Në koncertin  tjetër kam ndërmend t’i kushtoj vëmendje më të madhe stilit të J.J.Johson  dhe veprave të tij të autorit. Pas kësaj planifikoj të vazhdoj me një trombonist tjetër  Slide Hampton. Në këtë mënyrë do të zhvillojë projektin. Përpiqem që të kërkoj anën romantike në muzikën swing dhe erën e bi bob.


Vili Stojanov para disa viteve krijoi bendin e tij “Brazz ViliDJ” me të cilin incizoi albumin “Blow Your Brainzz Out”. Në disa prej pjesëve përveç  në trombon, ai interpreton dhe vokalin. Tani Vili rifillon punën me të me  koncert  më 10 shkurt në një klub në Sofje. Instrumentisti ka bërë disa ndryshime në përbërjen dhe tingëllimin e bendit. Deri tani janë gati 15 kompozime të reja të autorit të “Brazz ViliDJ”. Aktualisht trombonisti bashkë me kolegët e tij prej formacioni po përgatit një seri koncertesh për të prezantuar pamjen e re e grupit.

Më 27 janar Vili Stojanov prezantoi një projekt tjetër interesant me instrumentin trombon, që mban emrin  “T-Bone Party”. Në të ai është në skenë me kolegët e tij Atanas Karafezliev – pedagog në Akademinë Muzikore dhe trombon i parë në Orkestrën Simfonike të Radios Kombëtare Bullgare, Bozhidar Vasilev – krijues i “Southwick” dhe Dimitër Stoev – trombonist në “Big Band Brazz Association” dhe në “Mango Duende”. Adhuruesit e xhazit u kënaqën me pjesët e vjetra amerikane xhaz të viteve 40 të shekullit të kaluar. Më 12 shkurt  Vili fillon një turne me “Brazz Association Kombo”:

Снимка

Prej kohe me trumpetistin Mihaill Josifiov kemi dëshirë për një turne nëpër Bullgarinë, që të prezantojmë kolektivin tonë edhe në qytete të tjera të vendit. Vështirësia  lidhet me faktin, se formacioni përfshin 7 veta dhe  është problem të gjendet skenë të përshtatshme jashtë Sofjes. Por pas një pjesëmarrje eksperimentale në Burgas  u bindëm se kjo mund të rregullohet. Kështu kemi planifikuar të japim koncerte  deri në fund të shkurtit në qytetet – Ruse, Varna, Burgas, Veliko Tërnovo, Stara Zagora, Plovdiv. Në  Gabrovo do të kemi shfaqje në  fillim të marsit. Kudo do të japim nga dy koncerte – i pari do të jetë në sallë dhe repertori do të ketë orientim instrumental. Misho tashmë është gati me katër pjesa të reja që do të ekzekutojmë. Pas kësaj do të kemi koncerte  edhe në skenën e ndonjë klubi të qytetit përkatës.

Përgatiti në shqip: Sofia Popova
Fotografi: arkiv personal



Последвайте ни и в Google News Showcase, за да научите най-важното от деня!

Më shumë nga rubrika

Foto: Facebook / Xhaz nën yjet Pllaja Devetashko

"Xhazi nën yjet" në Pllajën Devetashko vazhdon deri të dielën

Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të dielën. Festivali mbledh muzikantë të njohur bullgarë në skenën e hapur të livadhit pranë shpellës..

botuar më 24-06-28 6.38.MD

“Njeriu më i lumtur” nis “Turneun më të lumtur”

Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh veror të Vlladi Ampov – Grafa, është koncepti i koncertit të tij spektakolar në Stadiumin Kombëtar..

botuar më 24-06-28 1.15.MD

"100 arsye"

Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që nisi më 21 qershor në Stara Zagora,ylli i muzikës bullgare pop performon si hitet e saj më të mëdha,..

botuar më 24-06-27 6.20.PD