Më pak se katër muaj pas përjashtimit të tij nga Lëvizja për të Drejtat dhe Liritë, ish kryetari i Lëvizjes Ljutvi Mestan krijoi një parti të re. Ajo u themelua të dielën me emër “Demokratët për Përgjegjësi, Liri dhe Tolerancë” (DOST). Në konferencën e parë të partisë së re lideri i saj Ljutvi Mestan disa herë kritikoi Lëvizjen për të Drejtat dhe Liritë – formacionin në krye të së cilit ishte vetë ai në vazhdim të 2 vjetësh. E quajti liberalizmin e tij “të rremë” dhe akuzoi drejtësinë e Lëvizjes në këtë se e ka vënë demokracinë bullgare në varësi të korrupsionit, oligarkisë dhe interesave proruse. Mestani akuzoi institucionet shtetërore se nuk mbrojnë interesin publik, kurse shërbejnë rrjetet oligarkike.
Themelimi i DOST-it bëri përshtypje me praninë madhështore të përfaqësuesve të partive dhe organizatave nga Turqia. Posaçërisht për të erdhën anëtarë të Partisë së Drejtësisë dhe Zhvillimit të presidentit Rexhep Erdogan, përfaqësues të opozitares Partisë Republikane Kombëtare dhe të së djathtës Partisë së Lëvizjes Nacionaliste. Ky fakt tregon mospërfillje të dyshimeve të përhapura në shoqërinë tonë për varësinë e Mestanit nga faktorët politikë në fqinjën tonë jugore. Një përfaqësues i Partisë së Lëvizjes Kombëtare të Turqisë skandalizoi shoqërinë duke thënë gjatë konferencës themeluese të DOST-it se “atje ku flitet gjuha turke, për ne është pjesë e atdheut tonë”. Kështu në menytë të padyshimtë ai tregoi se e pranojnë partinë e sapoformuar si një formacion etnik.
Indinjatën e saj e shprehu zëvendës presidentja Margarita Popova, e cila kritikoi publikisht Presidencën (pjesë e së cilës është vetë ajo) dhe Ministrinë e Punëve të Jashtme për mungesën e reagimit. Partia nacionaliste VMRO i bëri thirrje Gjykatës që të mos regjistrojë DOST-in sepse bëhet fjalë për një subjekt, i cili sipas tyre do të shërbejë interesat e huaja. Nacionalistët mendojnë se DOST do të çojë shtetin në një skenar boshnjak apo maqedonas të shoqërisë së ndarë nga pikëpamja etnike dhe religjioze. Dhe në përgjithësi nuk është një formacion euroatlantik, siç pohon Lutvi Mestan, por është proturk dhe proislamik.
Në konferencën e themelimit Mestan shpalli se “po fillon numërimi i mbrapshtë për Lëvizjen për të Drejtat dhe Liritë”. Kjo do të thotë se partia e re do të kërkojë përkrahje në elektoratin tradicional të Lëvizjes, i cili përbëhet kryesisht prej turqve etnikë. Sipas një studimi të agjencisë sociologjike “Gallup” për DOST-in, akoma para regjistrimit të formacionit të ri, një e katërta e përkrahësve tradicional të Lëvizjes për të Drejtat dhe Liritë pohojnë se do të votojnë për të. Në zgjedhjet parlamentare të vitit 2014 Lëvizja fitoi 14,84% prej votave dhe në se në të vërtetë partia DOST tërheq një e katërta e elektoratit të saj, ajo do të jetë shumë afër minimumit prej 4% për hyrje në Kuvend.
Domethënë në horizontin politik të Bullgarisë shfaqet një lojtar i ri, i cili duhet të pranohet seriozisht – të paktën sepse mund t’i hiqet Lëvizjes për të Drejtata dhe Liritë roli i balancuesit në jetën politike bullgare. Kështu statu quo-ja do të ndryshohet krejt. Ljutvi Mestani kupton se kjo nuk do të bëhet lehtë dhe që tani partia e tij punon një ambient armiqësor politik sepse “themelimi i saj prek interesa serioze gjeopolitike, ekonomike, korporatave dhe oligarkike”. Pavarësisht nga kjo lideri i ri është i sigurt se DOST-i nuk do të mbetet në izolim, do të jetë një partner i dashuruar për secilën forcë politike, e cila ka dëshirë të reformojë shtetin. A do të behet në të vërtetë kështu?
Përgatiti në shqip: Jordanka Ivanova
Kreu i shtetit Rumen Radev bëri thirrje për veprime konkrete të menjëhershme nga qeveria bullgare dhe institucionet evropiane për respektimin e parimeve evropiane për zgjerimin e Bashkimit Evropian. “Qeveria e re në shtetin tonë fqinj ka treguar..
Festa e Frymës së Shenjtë në Bullgari shënohet edhe si Dita e Maqedonisë. Tradita filloi pas Kryengritjes së Ilindenit të vitit 1903, pasi fillimisht ishte Dita e Luftës për Maqedoninë dhe Edrenenë, dhe pas Luftës së Parë Botërore u bë "Dita e..
Kryebashkiaku i Stambollit kritikoi marrëveshjen për emigrantët mes Turqisë dhe BE-së Kryetari i bashkisë së Stambollit dhe një kundërshtar i presidentit Erdogan, Ekrem Imamoglu, kritikoi ashpër marrëveshjen e vitit 2016 midis..
Në Turqi dhe Greqi presin një rendiment më të mirë të ullinjve Vjelja e vajit të ullirit në Turqi do të jetë rekord...