Çfarë i nevojitet njeriut për të formuar dhe për të hapur një muze të vet personal? Natyrisht një dozë të madhe entuziazëm, dashuri për retro automobilat, por jo vetëm këtë. Dinko Kushev i cili kohët e fundit hapi muze të vet të socializmit në qytetin e tij të lindjes Peshtera, do që ta lërë të gjallë kujtimin për vitet e fëmijërisë së vet. Në ish kinemanë e qytetit ai ka renditur automobilat e ndritshme të vjetra, të cilat kanë qenë krenaria e prodhimit socialist të automobilave. Një interes më të madh shkakton një prej tyre –“Çajka”, e prodhuar përpara më shumë se 40 vjetëve, ajo është e pajisur me xhama elektrik dhe klimatik. Dinko Kushev fillon t’i grumbullojë automobilat përpara 5-6 vjetëve, por sot ka renditur në muzeun e vet shumë sende nga ajo kohë. Kurse gjatë kohës së shëtitjes rreth eksponateve tingëllojnë këngë të njohura bullgare nga pjesa dërmuese e njerëzve nga vitet 60, 70 dhe 80.

“Në fakt kjo është fëmijëria ime. Këtu kemi mbi 20 vitrina, të cilat janë si një ekran, një pamje nga ajo kohë – sende nga më të ndryshmet nga jeta, dhe teknikë. Njerëzit kur i shikojnë dhe kujtohen për to, kurse disa të cilët janë më sentimental janë përlotur. U është shumë interesante. Zgjon tek ta kujtime nga fëmijëria. Sado e vështirë të ketë qenë, njerëzit kujtohen me nostalgji për të. Kjo kohë më pëlqen shumë, pavarësisht se ka qenë kohë të një varfërie dhe të vështirësive. Por në fëmijërinë tonë ne, nuk e kemi ndier. Prindërve tanë sigurisht që u ka qenë shumë rëndë. Kurse tani, duke u kthyer mbrapa, mund të bëjmë vlerësimin se për çfarë është bërë fjalë. Por, çdo një rend ka pluset dhe minuset e veta.”

Dinko Kushev e ka renditur koleksionin e vet me shumë dashuri ndaj çdo një detaji. Dhe ndihet krenar, sepse ka mundur të realizojë ëndrrën e tij, por dhe sepse muzeu pëlqehet nga bashkatdhetarët e tij. “Që të gjithë më përkrahin” – thotë Dinko Kushevi.

“Unë dua pak më shumë e pak më pak ta ruaj këtë histori dhe njerëzit të kenë se çfarë të shikojnë. Me një rëndësi të madhe është dhe rrethana dhe mjedisi autentik – gjendemi në një sallon të vjetër kinemaje, autentik, i paprekur nga koha e komunizmit. Mbi 15 vjet ai qëndroi bosh dhe i papërdorshëm dhe tani po i japim një jetë të re.”

Pavarësisht se Dinko Kushevi krenohet me koleksionin e tij në muzeun e formuar, kujtimi për të kaluarën përsëri i shkakton një trishtim. “Jo çdo gjë qe e keqe – pohon ai. – Aktualisht po ve re një shkatërrim të vlerave në shoqëri. Sado që të mundohemi t’i shikojmë tek të rinjtë, tek fëmijët, nuk i gjejmë. Duhet menduar më shumë në këtë drejtim, me qenë se e gjithë kultura dhe edukata e njerëzve zhvillohet në një drejtim jo të këndshëm.”

Përgatiti në shqip: Nataniela Vasileva

Fotografi: carsofsocialism.com