Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Formacioni i Grave i Muzikës së Dhomës “Te Deum Adoramus” – 20 vjet në skenë

БНР Новини

Më 22 prill, me një koncert në Aulën e Universitetit të Sofjes “Shën Klimenti i Ohrid” Formacioni i Dhomës “Te Deum Adoramus” shënon përvjetorin e 20-të të krijimit. Shoqëruesja shumëvjeçare e Korit të fëmijëve pranë radios Teodora Dimitrova, pasi e braktisi këtë detyrë, realizoi një ëndërr të vet. Pianiste dhe dirigjente, ajo mblodhi vajzat tashmë të rritura nga kori i njohur botërisht të radios në një formacion të vet. Kështu në vazhdim të 20 viteve bashkë realizojnë një repertor interesant por tepër të vështirë për interpretim. Me zërat dhe me talentin ato arrijnë të fitojnë zemrat e publikut dhe të kritikës kudo në botë.


Konkurse, festivale, incizime – kjo është vetëm një pjesë prej jetës së këngëtareve nga formacioni. Në sajë të aktiviteteve të shumta si për dirigjenten Teodora Dimitrova, ashtu edhe për këngëtaret periudha 20 vjeçare kaloi pa u vënë re. Për më të rëndësishmen gjatë këtyre viteve tregon dirigjentja:

Mendoj, se gjithçka që ndodhi gjatë këtyre 20 viteve ka vlerën e vet. Por për mua konkurset janë me rëndësi të dorës së parë, sepse ata formojnë karakterin e kolektivit, ndihmojnë për rritjen e nivelit të këndimit dhe për popullarizimin e vet formacionit. Konkurset janë një mundësi për të parë deri ku kemi arritur, sepse në to secili përpiqet të paraqesë më të mirën. Arti koral kudo në botë nuk ndërprenë së zhvilluari dhe pikërisht konkurset janë vendet ku çdo avancim mund të shihet. Një gjë tjetër me rëndësi për këtë periudhë është repertori, i cili është shumë i gjerë, i larmishëm dhe interesant. Interpretojmë muzikë moderne, në të cilën ka vepra të kompozuara për ne dhe i kushtuar formacionit tonë. Posaçërisht për përvjetorin tonë të 20-të kompozitori irlandez Stivën Gardnër krijoi veprën “Të pafajshëm” sipas vjershave të poeteshës dhe përkthyese Aksinija Mihajllova. Gjatë viteve bashkëpunuam shumë mirë me akademikun Nikollaj Kaufman. Brenda viteve interpretuam shumë këngë të tij, edhe incizuam një disk me  vepra të krijuara prej tij. Në lidhje me përvjetorët e 80-të dhe 90-të të lindjes së tij dhamë koncerte. Mbajmë lidhje profesionale me grupe korale nga Holanda, të cilët shfaqin interes ndaj folklorit tonë. Realizuam projekte me muzikën pop dhe xhaz. Kemi një disk me muzikë ortodokse. Të mos harrojmë edhe këngët e kompozitorit Dobri Hristov. Kështu çdo konkurs, çdo koncert shënon zhvillimin e formacionit tonë.

Një album me këngë hebraike nga Nikollaj Kaufman është projekti i fundit realizuar nga Kori “Të Deum Adoramus”. Në kohë të afërt këngëtaret do të bëjnë incizime në Radion Kombëtare Bullgare. Gjatë vjeshtës së këtij viti prapë do të japin koncerte në Evropë.

Përgatiti në shqip: Svetllana Dimitrova

Fotografi: arkiv personal



Последвайте ни и в Google News Showcase, за да научите най-важното от деня!

Më shumë nga rubrika

Nina Nikolina

“Shën Gjergji” apo “Ederlezi” – kënga pa të cilën nuk mundemi në ditën e Shën Gjergjit

Në folklorin bullgar ka shumë këngë kushtuar Shën Gjergjit Fitimtar . Një prej tyre, e cila medoemos interpretohet më 6 maj, është kënga e njohur rome e quajtur "Ederlezi", siç është emri rom i festës së shenjtorit. Këngën mund ta quajmë himnin..

botuar më 24-05-06 5.10.PD

Kori "Vanja Moneva" feston 30 vjetorin e krijimit

Tashmë tre dekada zërat kozmikë të këngëtareve në një nga koret më të njohura folklorike bullgare, nën drejtimin artistik të Vanja Monevës, emocionojnë publikun në vendin tonë dhe në mbarë botën. Kori "Vanja Moneva" feston përvjetorin e..

botuar më 24-04-30 8.20.PD

Grupi MOLEC dhe "Nuk ka rëndësi"

Grupi MOLEC vazhdon të emocionojë fansat e tij me projekte dhe shfaqje të shumta në Bullgari dhe jashtë saj. Vetëm pak ditë më parë, një nga grupet më të suksesshme bashkëkohore bullgare u kthye nga Londra - destinacioni i fundit i turneut të tyre..

botuar më 24-04-29 7.45.PD