Këngëtarja ka një popullaritet të gjerë në vendin tonë dhe jashtë shtetit. Rruga e saj krijuese nis nga familja, shkolla, skenat e vatrave të kulturës, festat fshatare, që të arrijë sallat botërore si soliste e Ansamblit Folklorik “Filip Kutev”. Kështu pas vitit 1985 ajo përfitoi nga mundësia të zbulojë specifikën e këngëve të krahinave të tjera folklorike. Shpesh është pjesë e formacioneve të ndryshme të dhomës, njëra prej të cilave është “Veçernica”. Mirëpo, incizimet e saj janë kryesisht të këngëve të krahinës së lindjes. Ëndrra e saj është të zbulojë dhe të incizojë këngët e gjyshes Spasija, e cila i gëzon popullaritetit jo vetëm në fshatin Divotino. Sorina Bogomillova interpreton këngë të përpunuara nga Kosta Kolevi, Rosen Genkovi, Bojan Nankovi, Hristofor Radanovi. Ajo është e prirë të pranojë provat e muzikantëve të modernizojnë traditat folklorike, mjafton që kjo të bëhet me profesionalizëm. Ajo ka interpretime të përbashkëta me këngëtarë pop, të cilët kërkuan efektin e artit të këndimit të krahinës folklorike Graovo.
Sivjet Sorina Bogomillova shënon jubileun 50 vjeçar. Për këngën popullore rrëfen:
“Për mua kënga popullore është gjithçka pas familjes. Kënga popullore është jeta ime. Interpretoj vetëm këngë autentike. Dashurinë ndaj folklorit e trashëgova nga prindërit. Im at ishte muzikant, xhaxhallarët i kam valltarë dhe koreografë. Kështu që nga mosha 6 vjeçare vallëzoj dhe këndoj. Këndova në korin shkollor, pas kësaj, deri në klasën e 7-të, i bija trumbetës në orkestrën shkollore. Si këngëtare më zbuloi mësuesja e muzikës – zonja Bllagoeva. Ajo më prezantoi në Shtëpinë e Minatorëve në qytetin Pernik. Aty dirigjent ishte Bojan Nankov, i cili punonte me bashkëshorten e tij – këngëtaren e njohur Radka Aleksova. Prej saj dhe prej këngëtares Pavlina Gorçeva e mësova këndimin tipik të krahinës Graovo. Bojan Nakovi më ndihmonte për vokalet. Pas kësaj këngëtarja popullore Guna Ivanova më këshilloi për Ansamblin “Filip Kutev”. Dëshiroj t’u falënderoj dirigjentëve, me të cilët kamë punuar – Marija Leshkova, Stefan Dragostinov, Georgi Genov. Ata më kanë besuar të interpretoj solo këngët më të njohura si “U shtri Tudora”, Më thuaj Angjo”, “Hajde, dielli po agon”. Këndoj solo edhe në këngën e fundit të Georgi Genovit – “Meto gënjen”.
Përgatiti në shqip: Svetllana Dimitrova
Këngët dhe vallet popullore mbledhin dashamirët e folklorit bullgar në edicionin e radhës të Festivalit të Kostumeve Popullore në Zheravna. Këtë vit aktiviteti do të zhvillohet nga 23 deri më 25 gusht. "Pasi visheni me kostumet popullore dhe..
Holandezja Esther Willems vazhdon të tërheqë njerëz nga qytete dhe kombësi të ndryshme në klubin e saj për vallet popullore bullgare, i krijuar në Hagë dhe i quajtur "Zora". Klubi u themelua në vitin 2017 dhe në të u regjistruan edhe atëherë 13..
Mbrëmjet e kulturës bullgare në Shqipëri po vazhdojnë edhe në muajin gusht. Shfaqjet e para ishin në qershor, kur grupe folklorike nga Bullgaria prezantuan kostume, valle dhe këngë popullore bullgare para teatrit "Aleksandër Moisiu" në qytetin e..
Thonë se për të njohur një vend duhet jo vetëm ta shohësh me sy, por edhe ta shijosh. Çdo fshat bullgar, çdo qytet apo rajon ka frymën dhe aromën e vet..