Ankaraja: Referendumi i kurdëve për pavarësi do të destabilizojë rajonin
Referendumi për pavarësinë e Kurdistanit Irakian, i cili është planifikuar për muajin e ardhshëm është në kundërshtim me Kushtetutën e Irakut dhe do të destabilizojë akoma më shumë tërë regjionin. Këtë e tha zëdhënësi i qeverisë turke Bekir Bozdag. Qeveria rajonale e Kurdistanit refuzon të heqë dorë nga referendumi dhe do ta organizojë atë më 25 shtator, pavarësisht nga shqetësimet e shprehura nga shtetet fqinje. SHBA-ja gjithashtu kërkon shtyrjen e referendumit.
Shkupi bashkërendon përpjekjet për bashkëpunim rajonal në Ballkanin Perëndimor
Bashkëpunimi regjional me shtetet nga Ballkani Perëndimor qe tema kryesore e takimit të zëvendësministrit maqedonas të integrimit evropian Bujar Osmani me ambasadorët e Shqipërisë, Bosnjë e Hercegovinës, Kosovës, Malit të Zi dhe Serbisë. Iniciativa e Osmanit për zhvillimin e takimeve të tilla të rregullta me përfaqësuesit e shteteve të Ballkanit Perëndimor, në të cilat do të koordinohen veprimet në rrugën e integrimit evropian, u përshëndet nga ambasadorët. Ata diskutuan metodat për rritjen e kapacitetit të shteteve për përvetësimin e mjeteve financiare të ofruara nga programet paraaderuese, kështu edhe shqyrtuan pasojat e mundshme nga pakësimi i buxhetit të Bashkimit Evropian pas Brexit-it.
Pas zjarreve në Greqi situata po normalizohet
Greqia nuk ka më nevojë për ndihmë nga BE-ja për shuarjen e zjarreve në pyjet e vendit. Kryeministri Aleksis Cipras tha se zjarrfikësit tashmë kanë lokalizuar zjarret, të cilët ishin aktivë në vazhdim të disa ditëve afër kryeqytetit Athinë. “Më e keqja tashmë është mbrapa nesh”, tha Ciparasi pasi fluturoi me helikopter mbi rajonet e prekura. Ai shpjegoi se 1500 hektarë pyjesh dhe shkurresh janë asgjësuar, por “për fat të mirë, s’ka viktima... dhe dëmet u kufizuan”. Akoma ka fronte aktive të zjarreve në ishullin Zakintos dhe në pjesët perëndimore të gadishullit Pellopones, por edhe atje situata është duke u përmirësuar.
Më se 10 mijë veta janë të zhdukurit pa gjurmë në Ballkan
Më se 10 mijë veta janë shpallur për të zhdukur pa gjurmë në Ballkan në kohën e luftërave në territorin e ish-Jugosllavisë , tha kryetari i Komisionit serb për Personat e Zhdukur Vellko Odalloviç. “Sipas tij koha nuk ndihmon për zgjidhjen e çështjes, sepse sa më shumë kohë kalon, aq më e vështirë bëhet zgjidhja e saj. 10 mijat e zhdukur kanë dhjetëra qindra të afërm dhe familjarë, të cilët presin informacion për fatin e tyre” – mendon Odalloviç.
Sa shumë turistë nga Arabia Saudite shfaqin interes për Bosnjë e Hercegovinën
Organet përgjegjëse në Bosnjë e Hercegovinë kanë lëshuar 10 023 viza për shtetas nga Arabia Saudite gjatë vitit 2016 – kjo është një rritje 128.52% krahas vitit të mëparshëm 2016. Përveç shtetasve të Arabisë Saudite interes tregojnë edhe ata nga Libani – më shumë janë ata që dëshirojnë të zhvillojnë turizëm religjioz në Mezhdugorie, shkruan Sarajevo Times.
Në Beograd filloi festivali i 15-të i birrës
Në kryeqytetin e Serbisë po zhvillohet edicioni i 15-të i festivalit të birrës. Sipas prognozave paraprake në vazhdim të 15 ditëve ai do të vizitohet nga gjysmë milion veta – serbë dhe të huaj. Pritet se të ardhurat do të jenë rreth 5 miliona euro. Aksesi është falas, falas është gjithashtu transporti i siguruar deri në vendin e festivalit.
Përpiloi: Miglena Ivanova
Përgatiti në shqip: Jordanka Ivanova
Pikërisht 75 vjet më parë, përkatësisht në vitin 1949, vendi më i madh natyror i dëllinjës së pemës (Juniperus excelsa) në Evropë - "Tisa", që ndodhet rrëzë të malit Pirin, u shpall rezervë. Dëllinja është një specie relikte e mbrojtur jugore, me..
Dhuna dhe bullizmi në shkollë është një problem aktual jo vetëm në Bullgari, por edhe në shumë vende evropiane dhe të tjera. Tetë vjeçari Johan Tansoe, i cili ka lindur në Norvegji, por për rreth një vit studion në një shkollë bullgare në Burgas, u..
Një nga subjektet e përdorura shpesh në filmat apokaliptikë të Hollivudit ka të bëjë me një asteroid të madh që do të godasë Tokën. Një dramatizëm shtesë sjellin masat që duhen marrë për të parandaluar një katastrofë të tillë. Fabula në..
Mbrojtja e kafshëve dhe fëmijëve të pafavorizuar, si dhe promovimi i nismave të ndryshme kulturore, janë thelbësore për përmirësimin e mjedisit jetësor në..
Radosllava Nedyalkova nga Milano u zgjodh "Bullgarja e Vitit 2023" në mesin e 24 bashkatdhetarëve të nominuar nga 19 vende. Dallimi me emrin e..
Sofja është mikpritëse e ekspozitës më të madhe të automobilave në Evropë këtë vit, tha për BTA Aleksandër Kostadinov, kryetar i Bordit Drejtues të..