Turqia qëllon përjashtijmin e “elementeve terroriste”

Pas takimit trepalësh në Soçi të Rusisë të liderëve shtetërorë të Rusisë, Turqisë dhe Iranit – Vlladimir Putin, Rexhep Erdogan dhe Hasan Rohani, Presidenti Erdogan shpalli se Turqia i jep prioritet përjashtimit të “elementeve terroriste”  nga procesi i zgjidhjes së problemeve në Siri. Sipas tij këto elemente janë struktura politike dhe ajo ushtarake e kurdëve sirianë. Në Soçi presidentët u morën vesh për thirrjen e Kongresit Kombëtar të Sirisë për dialog si hapi i parë për vendosjen e një dialogu bashkues në shtet, ku po zhvillohen veprime luftarake. Presidenti Putin e përshëndeti rolin special, të cilin Erdogani dhe Rohani kanë luajtur në procesin paqësor në Astana, të zhvilluar paralelisht me negociatat politike për Siri në Gjenevë. 

Athina aktualizoi prognozat e saj për rritjen ekonomike gjatë 2018-ës

Qeveria në Greqi shpalli se pret se gjatë vitit 2018 ekonomia e shtetit do të shënojë një rritje 2,5%, e cila është një përmirësim i konsiderueshëm në krahasim me prognozën e mëparshme për 0,1%. Qeveria parashikon një tepricë buxhetore prej 3,8% prej Produktit të Brendshëm Bruto pa pagimet e borxhit, po të pasur parasysh se qëllimi i vendosur nga kreditorët është 3,5%. Sipas Ministrisë së Financave në Athinë Greqia po ndodhet në fillimin e një periudhe të re të qëndrueshmërisë ekonomike dhe qëllimi kryesor tani është rikthimi i shtetit në tregjet botërore të kapitalit. 

Kryeministri maqedonas për herë të parë e vizitoi zyrtarisht Serbinë

Kryeministri i Maqedonisë Zoran Zaev bisedoi në Beograd me Presidentin Aleksandër Vuçiç dhe me Kryeministren Bërnabiç, në kuadrin e vizitës së tij të parë zyrtare atje që kur u bë kryeministër. U bë e qartë se marrëdhëniet miqësore ndërmjet dy shteteve kanë një potencial të madh të thellimit. U nënvizua se Maqedonia dhe Serbia kanë shumë interesa të përbashkëta në fushën e sigurisë dhe në sferën e mirëqenies ekonomike dhe sociale të qytetarëve, kështu edhe në shumë nisma regjionale. U pohua gatishmëria për bashkëpunim në fushën e digjitalizimit.

Ratko Mlladiç u dënua me burgim të përjetshëm

Tribunali ndërkombëtar i Hagës për Ish-Jugosllavinë dënoi ish-kreun ushtarak serb Ratko Mlladiç me burgim të përjetshëm, pasi e shpalli atë fajtor për krime kundër njerëzimit, gjenocid dhe krime lufte – të gjitha ato të kryera gjatë kohës së konfliktit të armatosur në Ish-Jugosllavinë gjatë viteve 1992-1995. Atëherë vdiqën 100 mijë veta, 2,2 miliona u larguan nga shtëpitë e tyre. Dënimi u shpall në mungesën e të pandehurit, sepse pak para kësaj ai u largua nga salla e gjyqit në një pikë pasi ndërpreu seancën duke u bërtitur gjyqtarëve. Procesi kundër “kasapit nga Bosnja” vazhdon tashmë 4 vjet dhe është një nga çështjet më të rëndësishme për krime lufte në Evropë pas Tribunalit në Nurmberg pas Luftës së Dytë Botërore. 

Kryeministri i Kosovës kërkon arbitrazh ndërkombëtar për demarkacionin

Kryeministri i Kosovës Ramush Haradinaj shpalli se varianti i tanishëm i Marrëveshjes për Demarkacionin me Malin e Zi nuk është i mirë dhe shprehu shpresë se Prishtina dhe Podgorica do të dakordohen për arbitrazh ndërkombëtar për konfirmimin e kufirit. Sipas Haradinajit “Vizioni i tanishëm i Marrëveshjes për Demarkacionin e kufirit me Malin e Zi nuk do të marrë shumicë të dy të tretave në Parlamentin e Kosovës. Kjo e hap rrugën për arbitrazh ndërkombëtar apo negociata për marrëveshje të re me Malin e Zi”.

Ish-Kryeministri i Maqedonisë ka pasur 34 llogari bankare

Prokurorja e Posaçme e Maqedonisë Katica Janeva shpalli se ish kryeministri i shteti dhe lideri i partisë VMRO-DPMNE Nikolla Gruevski është titullar i 35 llogarive bankare. 20 prej tyre janë në denarë dhe shuma e përbashkët në to është 10 miliona denarë (163 mijë euro). 14 llogaritë e tjera janë në euro dhe në to Gruevski disponon me 46 727 euro. Më herët gjatë kësaj jave u bë e qartë se Nikolla Gruevski është pronar i një ndërtese të madhe në Antverpen të Belgjikës me vlerë 7 miliona euro. Ai zotëron gjithashtu shtëpi në bregdetin kroat të Adriatikut. Po zhvillohen hetime në lidhje me disa çështje gjyqësore kundër Ish-Kryeministrit dhe tashmë 5 muaj pasaporta e tij ndërkombëtare është sekuestruar. Pas një pyetjeje në Prokurorinë e Posaçme, që vazhdoi dy orë, ai deklaroi se çështjet gjyqësore kundër tij janë ilegale dhe qëllimi i tyre është devijimi i vëmendjes publike nga problemet e qeverisjes së sotme.

Përpiloi: Stoimen Pavllov
Përgatiti në shqip: Jordanka Ivanova