Këshilli Konsultativ i Sigurisë Kombëtare pranë presidentit të republikës më 19 prill mbajti një mbledhje të vazhdueshme për të diskutuar çështje, tashmë të shqyrtuara në kuadrin e tij, e pikërisht modernizimin e ushtrisë dhe rreziqet për Bullgarinë në kontekstin e situatës aktuale ndërkombëtare. Mbledhjet e këshillit janë të mbyllura. Për to gjykohet nga deklaratat e pjesëmarrësve pas përfundimit të tyre. Kësaj here deklaratat dëshmojnë, se debati ishte mjaftë i tensionuar dhe me kundërvënie të ashpra politike midis partisë kryesore në pushtet GERB, nga njëra anë, dhe nga ana tjetër – presidenti Rumen Radev dhe forca kryesore opozitare politike Partia Socialiste Bullgare.

Kryetari i grupit parlamentar të partisë GERB Cvetan Cvetanov pas mbledhjes akuzoi presidentin, i cili është edhe kryekomandant i Forcave të Armatosura, se paraqiti një projekt paraprak për përfundimet e mbledhjes, i cili gati-gati supozon ndërmarrjen e hapave për dalje nga BE-ja dhe NATO-ja.

Liderja e Partisë Socialiste Bullgare Kornelija Ninova bëri replikë, se Cvetanovi i lejoi vetes prapë të drejtojë akuza, tashmë të dëgjuara nga tribuna parlamentare në adresë jo vetëm të presidentit, por edhe të Partisë Socialiste Bullgare. Sipas saj inspirimet e Cvetanovit, se Partia Socialiste Bullgare  ose institucioni presidencial punojnë për interesa të huaja, janë gati akuza për krim, gjë për të cilën ai do të mbajë përgjegjësi. Nga dikasteri presidencial e caktuan deklaratën e Cvetanovit si manipuluese, por nuk e përgënjeshtruan. Si përgjigje botuan tekstin e plotë të propozimit fillestar bërë nga kreu i shtetit Rumen Radev për pozitë të Këshillit Konsultativ të Sigurisë Kombëtare, me qëllim që shoqëria vet të bëjë konkluzionet.

Një precedent për kthimin e Këshillit Konsultativ të Sigurisë Kombëtare në një vend për konfrontim politik kishte edhe vitin e kaluar, kur në mbledhjen për korrupsionin në shtresat e larta të pushtetit nuk erdhën përfaqësues kryesorë të partisë GERB, ndërsa liderët e Lëvizjes për të Drejta dhe Liri  dhe të Partisë “Volja” dolën nga debatet paraprakisht. Atëherë u imponua thirrjen e dytë të organit konsultativ.

Mirëpo, atë që ndodhi në mbledhjen e këshillit më 19 prill nuk duhet të dramatizohet. Në fund të fundit debatet në kuadrin e Këshillit Konsultativ të Sigurisë Kombëtare kanë karakter konsultativ dhe vendimet e tij nuk janë të detyrueshme. Ata pasqyrojnë qëndrimin e faktorëve kryesorë politikë dhe shtetërorë mbi çështjet e rendit përkatës të ditës. Vendime të detyrueshme mbi ato çështje miratohen nga institucione të tjera shtetërore  me përgjegjësi të ndara si parlamenti, pushteti ekzekutiv, presidenti,

Kryeministri Bojko Borisov, i cili është edhe kryetar i partisë GERB tani për tani nuk komenton situatën. Në mënyrë të tërthortë duke shprehur qëndrim mbi një çështje tjetër, ai tha, se “Bullgaria është BE-ja, Bullgaria është NATO-ja”. Në këtë frymë ndoshta do të jetë pozita e Këshillit të Sigurisë Kombëtare pranë Këshillit të Ministrave, të kryesuar prej tij. Pikërisht në të miratohen vendime me fuqi të detyrueshme dhe operative.

Përgatiti në shqip: Svetllana Dimitrova