Vendet e Procesit Brdo – Brioni presin ndihmë suplementare nga BE-ja
Në deklaratën përfundimtare për Samitin e Procesit Brdo – Brioni në Shkup shtetet e Ballkanit Perëndimor që morën pjesë bënë të ditur se superioriteti i ligjit, të drejtat kryesore të njeriut, sistemi efektiv gjyqësor, udhëheqja e mirë dhe luftimi i korrupsionit dhe kriminalitetit të organizuar janë kyçe për përparimin, zhvillimin dhe stabilitetin e tërë regjionit. Mysafirë nderi të forumit ishin Kryeministri bullgar Bojko Borisov dhe Kryetari i Këshillit Evropian Donald Tusk. U nënvizua rëndësia e samitit të pritur në Sofje BE-Ballkani Perëndimor. U shpreh pritje për ndihmë suplementare nga BE-ja për përmirësimin e lidhjes së transportit, të asaj energjetike dhe asaj digjitale.
Presidenti Erdogan po pret përkrahje rekord në zgjedhjet e pritura para afatit
Presidenti Rexhep Erdogan deklaroi se pret që zgjedhjet e ardhshme të hyjnë në historinë me numër rekord votash për Partinë e tij të Drejtësisë dhe Zhvillimit. Ai e bëri këtë deklaratë në kongresin e partisë në Izmir. Në fjalimin në mitingun paraelektoral pas Kongresit, Erdogani i dërgoi kritika të ashpra liderit të Partisë Republikane Popullore të Kemal Këlëçdaroglu në opozitë, duke e akuzuar liderin se nuk është “kundërshtar i grushtit të shtetit”, por është “organizator i tij”.
Greqia do të modifikojë 85 gjuajtës F 16
Greqia bëri të ditur se do të modifikojë një pjesë prej gjuajtësve të saj F-16, të prodhuara në SHBA. Këshilli i qeverisë për punët e jashtme dhe mbrojtjen miratoi njëzëri programin për modernizimin e Forcave Ushtarako-Ajrore, program ky i cili supozon modernizimin e 85 makinave deri në nivelin 5-16V. Greqia disponon gjithsej 150 F-16. Greqia harxhon 2 për qind prej buxhetit të saj për mbrojtje. Avionët e saj luftarakë përdoren rregullisht në Detin Egje për kapjen e gjuajtësve turq, të cilët shkelin normat lidhur me hapësirën e saj ajrore.
Athina ngul këmbë që emri i ri i Maqedonisë të jetë për shfrytëzim të tërësishëm
Ministri i Jashtëm grek Nikos Koxias komentoi pas takimit të Këshillit të Ministrave të NATO-së në Bruksel, se Shkupi duhet të pranojë që emri i ri i Maqedonisë të jetë për shfrytëzim të tërësishëm (erga omnes), kështu që pas kësaj të bëhen hapa për një marrëveshje të përbashkët pozitive për emrin. Për të marrë ftesë për anëtarësim në NATO Maqedonia duhet të zbatojë vendimet e tij nga Samiti në Bukuresht në vitin 2008, si dhe vendimet e miratuara në bisedimet e tanishme, theksoi Ministri grek.
Presidenti serb më 7 maj do të bëjë vizitë të dytë në Rusi
Gazeta e përditshme e Beogradit “Blic” njoftoi se Presidenti serb Aleksandër Vuçiç prapë do të bëjë vizitë në Rusi. Vizita do të jetë e dyta e tij në Rusi për më pak se sa gjysmë viti. Në fund të dhjetorit të vitit 2017 ai deklaroi në Moskë se Serbia është për thellimin e marrëdhënieve politike me Federatën Ruse dhe kurrë nuk do t’i imponojë sanksione për shkak të krizës me Ukrainën. Para vizitës në Moskë parashikuar për 7 majin, Presidenti serb do të bëjë vizitë edhe në Ankara.
Patriku Rus shërbeu një Liturgji Hyjnore në Tiranë
Në praninë e disa mijë besimtarëve nga rajone të ndryshme të Shqipërisë, Patriku i Moskës dhe i mbarë Rusisë Kirill shërbeu bashkë me Kreun e Kishës Ortodokse Autoqefale të Shqipërisë Kryepeshkopi Anastasi një Liturgji Hyjnore në Katedralen Ortodokse “Ngjallja e Krishtit” në Tiranë. Gjatë shërbimit Patriku Kirill theksoi se në vazhdim të shumë shekujve kisha shqiptare i shërbente popullit të vet në kushte më të vështira, duke përfshirë edhe persekutime të tmerrshme ateiste, ndërsa në kohën e konfliktit të armatosur në Kosovë pranonte të gjithë refugjatët pavarësisht nga feja dhe nga orientimet e tyre politike. Liturgjia u shërbye në tre gjuhë – shqip, sllavishten e lashtë kishtare dhe greqisht.
Përpiloi: Stoimen Pavllov
Përgatiti në shqip: Vesella Mançeva, Svetllana Dimitrova
Të dhënat e censusit të popullsisë në vendin tonë, të kryer në vitin 2021, tregojnë se në vend jetojnë 654 547 persona, të cilët janë me paaftësi të përhershme pune ose aftësi të kufizuara . Prej tyre, 22 248 janë fëmijë, dhe 632 299 janë persona të..
Këneta е Bojanës është e vetmja ligatinore natyrore në territorin e Sofjes, e cila është ende shtëpia e një numri speciesh të mbrojtura të bimësisë ujore, amfibëve dhe zvarranikëve. Ky fenomen natyror ndodhet në 670 m mbi nivelin e detit midis disa..
Diversiteti kulturor dhe gjuhësor – pikërisht kjo e dallon Bashkimin Evropian dhe gjuhët e folura në komunitet janë një pjesë e rëndësishme e trashëgimisë kulturore të Evropës. Ka 24 gjuhë zyrtare në BE dhe sa herë që në të anëtarësohen shtete..
Mbrojtja e kafshëve dhe fëmijëve të pafavorizuar, si dhe promovimi i nismave të ndryshme kulturore, janë thelbësore për përmirësimin e mjedisit jetësor në..
Radosllava Nedyalkova nga Milano u zgjodh "Bullgarja e Vitit 2023" në mesin e 24 bashkatdhetarëve të nominuar nga 19 vende. Dallimi me emrin e..
Sofja është mikpritëse e ekspozitës më të madhe të automobilave në Evropë këtë vit, tha për BTA Aleksandër Kostadinov, kryetar i Bordit Drejtues të..