30 fëmijë dhe 10 mësues nga Qendra kulturore arsimore bullgaro-ukrainase “Media” në Odesën e Ukrainës, marrin pjesë në seminarin dyjavor të gjuhës bullgare në qytetin Razgrad. Seminari organizohet me ndihmën e Qendrës shkencore “Kiril dhe Metodi” pranë Akademisë Bullgare të Shkencave në partneritet me shkollën tetëvjeçare “Ivan S. Turgenev” në qytetin verilindor bullgar. Me anë të një dekreti ministror nga viti 1993 për realizimin e arsimimit të bullgarëve jashtë shtetit, që të gjithë personat me kombësi bullgare, të cilët jetojnë më vete ose në bashkësi bullgare, kanë të drejtë të frekuentojnë kurs dyjavor kualifikues, duke u përfshirë në programe të ndryshme arsimore në Bullgari. Në qytetin Razgrad seminari zhvillohet për vit të parë dhe do të vazhdojë deri më 1 korrik.
Miqtë janë akomoduar në shtëpinë e pushimit “Pçelina” në vendin me të njëjtin emër. Për ta janë siguruar leksione dhe ushtrime në gjuhën bullgare, në historinë dhe gjeografinë bullgare, në muzikën popullore dhe artet etnografike. Gjatë kohës së seminarit fëmijët njihen me traditat dhe zakonet kombëtare, kurse lektorët nga Qendra shkencore “Kiril dhe Metodi” pranë Akademisë Bullgare të Shkencave zhvillojnë mësime praktike me mësuesvit.
Nxënësit nga shkolla tetëvjeçare “I. S.Turgenev” marrin pjesë aktive në programin e përgatitur për moshatarët e tyre ukrainas, si dhe në vizitat në vende interesante kulturore dhe historike në rajonin e qytetit Razgrad dhe në kryeqytetet e vjetra bullgare – Pliska dhe Veliki Presllav. Mbrëmjet e fëmijëve bullgarë dhe ukrainas janë plot me lojëra tradicionale, rreth zjarrit në kamp mikpritësit tregojnë përralla.
Bullgarët e Besarabisë u pritën në godinën e administratës së rrethit në qytetin Razgrad nga vërsnikët e tyre nga shkolla e Razgradit me bukë, merudhi dhe mjaltë. E duam shumë mëmëdheun tonë të vjetër, çdo një fëmijë nga grupi ka rrënjët e veta në Bullgari, premtojmë të mësojmë gjuhën bullgare dhe të njihemi me vëllezërit tanë sllavë”, tha mësuesja nga Ukraina – Viktorija Stojanova.
Përgatiti në shqip: Nataniela Vasileva
Foto: Sadet Kërova
Shteti ynë bëhet vendi i parë në BE që ka inteligjencë artificiale në një nivel të lartë teknologjik në gjuhën e tij, krijuar nga një organizatë shkencore me financim shtetëror. Inteligjenca artificiale e gjeneratës së re, e krijuar për të punuar në..
Eurodeputetët dëgjuan 26 kandidatët për komisionerë në Komisionin e ri të Ursula von der Leyen në komisionet përkatëse. Megjithatë, përfundimi i procedurës nuk çoi në një marrëveshje mes forcave politike për Komisionin e ardhshëm Evropian dhe ambicia është..
Minoriteti kombëtar bullgar në Shqipëri është një nga më të mëdhenjtë në vend, sipas të dhënave nga censi i fundit zyrtar i popullsisë atje. 7 057 persona janë deklaruar si bullgarë, në krahasim me 23 000 që janë identifikuar si grekë, 12 000 si..
Prej më shumë se një jave historia e një familje blegtorësh që rritin raca vendase të deleve ka tërhequr vëmendjen e publikut në Bullgari, por edhe të..
Më shumë se 1000 njerëz janë përfshirë në fazën pilot të projektit “Gjenomi i Bullgarisë”, i cili synon të mbledhë dhe analizojë një mostër përfaqësuese të..
Jeta e miliona njerëzve anembanë botës, që jetojnë në kushte lufte, urie, sëmundjesh dhe dëshpërimi të pamasë, është në rrezik çdo ditë. Emigrantëve nga..
Vranësira të dendura
Pjesërisht me re