Eurogrupi konstatoi se ekonomia greke përsëri është “në këmbë”

Udhëheqësi i Eurogrupit Mario Seneto shpalli se duke e mbaruar programin trevjeçar për ndihmë financiare EMS Greqia po del me sukses nga seria e iniciativave për ndihmë financiare, që u ndërmorën që në vitin 2010. Eurogrupi konstatoi se ekonomia greke përsëri është “në këmbë” dhe po rritet. Gjatë disa viteve të fundit kreditorët ndërkombëtarë i livronin Greqisë mjete me përqindje të ulët të interesit në kushtet e reformave të rënda dhe të politikave të ekonomive të rrepta. Mirëmbajtja e jashtme financiare e Greqisë është më e gjata në eurozonë deri tani dhe kapi shumën më se 240 mlrd euro. 

Turqia dhe Katari do të bëjnë tregti me valutat e tyre kombëtare

Bankat qendrore të Turqisë dhe të Katarit nënshkruan një marrëveshje, e cila është pjesë e pakos për investime të drejtpërdrejta të Emiratit në ekonominë turke me vlerë të përgjithshme 15 mlrd dollarë amerikanë. Me dokumentin bëhet e mundur që tregtia mes dy vendeve të realizohet me valutat kombëtare dhe jo me dollarë amerikanë. Marrëveshjet e arritura parashikojnë që Ankaraja të marrë akses te përkrahja prej 3 mlrd dollarësh për ekonominë turke. 

Ish-udhëheqësit e Maqedonisë mbeten të rezervuar ndaj referendumit për emrin

Lideri i partisë në opozitë VMRO-DPMNE Hristijan Mickoski ripohoi se pozita e partisë lidhur me referendumin do të shpallet pas një konsultimi ti hollësishëm me qytetarët dhe zhvillimit të bisedimeve brenda partisë. Mirëpo, ai shprehu shqetësimin e vet se fushata për referendumin do të jetë sterile dhe do të ketë qellim devijimin e vëmendjes publike nga problemet reale, që do të krijojë ndërrimi i emrit. 

Një ministre rumune kërkoi falje nga njerëzit e dëmtuar gjatë protestave në Bukurest

Ministrja e Punëve të Brendshme e Rumanisë kërkoi falje nga qytetarët e lënduar gjatë protestave antiqeveritare më 10 gushtë. Mitingu më masiv në Bukuresht mbaroi me trazira, gjatë të cilave 452 veta u plagosën, kurse 70 të tjerë, 11 prej të cilëve nëpunës të xhandarmerisë, u hospitalizuan. Protestuesit ishin kryesisht njerëz, që jetojnë jashtë vendit dhe janë të pakënaqur për sistemin tatimor, reformën e pensioneve dhe sistemin e ndihmave sociale. 

Qitje kundër Ambasadës së SHBA-së në Ankara

Persona të panjohur hapën zjarr kundër Ambasadës së SHBA-së në kryeqytetin turk Ankara. Sipas të dhënave të para zjarri u hap nga udhëtarët në një automobil të bardh. Një prej plumbave ka prekur postërojën e rojës. Nuk ka të vdekur dhe të plagosur. Autoritetet e mbyllën rajonin dhe filloi kërkimi i sulmuesve.

Përpiloi: Stoimen Pavllov

Përgatiti në shqip: Vesella Mançeva