Partia maqedonase “E Majta” do të organizojë protesta

Partia politike “E majta” do të organizojë protesta në çdo fazë pasuese të ndryshimeve kushtetuese, të lidhura me ndryshimin e emrit shtetëror. Protestat do të jenë antiqeveritare, dhe do të organizohen para Kuvendit nën moton “Vetëmbrojtja e Popullit”, kurse qëllimi i tyre do të jetë kthimi i sovranitetit “të rrëmbyer” nga populli. Partia ka tri kërkesa – pezullimi i pakushtëzuar i iniciativës “jokushtetuese dhe të paligjshme” të qeverisë për ndryshimin e Kushtetutës së Republikës së Maqedonisë dhe anulimin e marrëveshjes së Prespës; shpërndarja urgjentete e Kuvendit dhe caktimi i zgjedhjeve të parakohshme parlamentare me formimin e një qeverie teknike kalimtare, e cila do të garantojë zhvillimin e zgjedhjeve demokratike.

Turqia: Nuk do të lejojmë fshehjen e detajeve rreth vrasjes së gazetarit saudit Hashogi

Pasi Arabia Saudite pohoi se gazetari saudit Xhamall Hashogi, i njohur për kritikat e tij kundër trashëgjimtarit të fronit mbretëror Mohammed Bin Salman, është vrarë në konsullatën saudite në Stamboll, Turqia deklaroi se nuk do të lejojë “fshehjen” e detajeve të lidhura me këtë rast. Presidenti Rexhep Erdogan shpalli se do të bëjë deklaratë për këtë vrasje në takimin e tij me përfaqësuesit e Partisë qeverisëse të Drejtësisë dhe Zhvillimit në Parlament të martën. Bashkimi Evropian gjithashtu insiston për hetim transparent dhe të përpiktë të rrethanave të lidhura me vdekjen e disidentit. Sipas Riadit Hashogi ka vdekur pas përplasjes fizike në konsullatë më 2 tetor.

Patrikët bëjnë thirrje: Patriarkana Ekumenike të rivendosë dialogun me Kishën Ruse

Patriku i Antiohisë dhe i tërë Lindjes Gjon X dhe Patriku serb Irinej i bënë thirrje Patrikut Bartolomeu që të rivendosë dialogun me Kishën Ortodokse të Rusisë. Kjo u bë gjatë vizitës së Gjon X në Serbi. Javën e kaluar Sinodi i Kishës Ortodokse të Rusisë vendosi ta ndërpresë “bashkimin eukaristik” me Patriarkanën e Kostandinopojës, sepse ajo e kishte përkrahur kërkesën ukrainase për kishë autoqefale. Kisha Ruse e cilësoi situatën si skizma më e madhe në historinë e krishterimit për 1000 vitet e fundit.

Qeveria në Malin e Zi do të gjobojë ata, cilët nuk ngrihen në këmbë kur tingëllon himni

Qeveria e Malit të Zi miratoi projektligjin për simbolet shtetërore dhe festat kombëtare. Ai parashikon gjobë mes 300 dhe 2 mijë euro për ata, të cilët nuk ngrihen në këmbë kur dëgjojnë himnin e shtetit. Në vitin 2006 kur Mali i Zi shpalli pavarësinë e vet për himnin e vendit është zgjedhur një këngë e njohur popullore. Por deri më sot jo të gjithë malazezët e pranojnë atë për himn shtetëror dhe deputetët serbë e bojkotojnë himnin duke qëndruar në vendet e tyre në parlament.

Patent gjeografik për vajin e trëndafilit turk të prodhur në Isparta

Vaji i trëndafilëve i prodhuar në Isparta (në Turqinë Jugore) ishte dalluar me patentë gjeografike nga Asociacioni i Patentave dhe Markave. Rritja e trëndafilave, prodhimi dhe eksporti i vajit prej tyre janë shtylla kryesore e ekonomisë së këtij rajoni të Turqisë. Në universitetin e qyteti Isparta (Ësparta) është themeluar një degë e posaçme, ku zhvillohen studime të lidhura me rritjen dhe përpunimin e trëndafilave, informoi Agjencia Telegrafike Bullgare. “Marrja e patentës gjeografike është hapi i parë drejt aplikimit për përfshirje në listën e UNESKO-s të trashëgimisë jo materiale botërore”, komentojnë nga Universiteti “Sulejman Demirel”. Prodhuesit e trëndafilave shpresojnë se regjistrimi i patentës gjeografike do të garantojë mbrojtjen e sipërfaqeve me trëndafila në rajon dhe teknikat e prodhimit të vajit.

Përpiloi: Miglena Ivanova

Përgatiti në shqip: Jordanka Ivanova