Mocioni i mosbesimit, i kërkuar nga Partia Socialiste Bullgare për shkak të shëndetësisë, i cili përgatitej më shumë se një muaji dhe u diskutua në Parlament në vazhdim të tri orëve të premten e kaluar, u refuzua të martën shumë shpejt pothuajse pa jehonë në shoqëri. Interesi ndaj votimit nuk ishte i madh për shkak të mossuksesit të pritur, por për këtë luajti rol edhe tërheqja e vëmendjes së opinionit publik ndaj tensioneve të radhës të brendshme në koalicionin në pushtet.
Njëkohësisht me votimin e mocionit të mosbesimit, ditën e mërkurë në mëngjes Këshilli i Koalicionit i partnerëve në udhëheqjen e vendit – GERB dhe “Patriotët e Bashkuar”, diskutuan urgjentisht se çfarë duhet të bëhet që të zbutet pakënaqësia e madhe e shoqërisë për shkak të deklaratave skandaloze të Zëvendëskryeministrit Valeri Simeonov. Disa ditë më parë ai vuri në dukje se nënat e fëmijëve me çrregullime që duan ndihmë adekuate nga shteti në fakt abuzojnë me “fëmijët e tyre gjoja të sëmurë”. Madje bashkëkryetari i “Patriotëve të Bashkuar” Volen Siderov, i cili është gjithashtu lider i partisë “Ataka”, ishte skandalizuar nga ky pohim dhe nguli këmbë për tërheqjen e Simeonovit jo vetëm nga posti i Zëvendëskryeministrit, por edhe nga posti i bashkëkryetarit të Patriotëve të Bashkuar. Mirëpo, dy formacionet e tjera në këtë koalicion – VMRO dhe Fronti Kombëtar për Shpëtimin e Bullgarisë, vendosën që tani për tani të mos e “dëbojnë”, që të mos i akuzojnë se e ndajnë votën patriotike. Në të njëjtën kohë ata hodhën poshtë kategorikisht dëshirën e Siderovit për ta kryesuar listën e Koalicionit. Sipas shumicës kjo do të bëhet shkas që ai vetë të tërhiqet.
Nën presionin e Këshillit të jashtëzakonshëm të Koalicionit të GERB-it me “Patriotët e Bashkuar” Veleri Simeonov kërkoi falje nga të gjithë, “të cilët janë ofenduar, ose ndihen të ofenduar” nga fjalët e tij. Në fakt që para disa ditësh personalisht Kryeministri Borisov kërkoi falje nga Brukseli për shkak të deklaratave të Zëvendëskryeministrit Simeonov, derisa protestuesit e kërkonin dorëheqjen e tij. Sipas ndryshimeve që po përgatiten në Ligjin për njerëzit me çrregullime, që në pranverën e vitit tjetër në Bullgari do të ketë këshill kombëtar për integrimin e tyre në shoqëri. Ky këshill duhet të kryesohet nga zëvendëskryeministri, i cili përgjigjet për politikën demografike dhe ekonominë, siç është Valeri Simeonov.
Tensionet në koalicionin në pushtet tani për tani duken të zbutura, por jo të përballuara. Zgjidhja e problemeve gjatë disa muajve në vijim do të koincidojë me konsultimet politike të Ministrit të Shëndetësisë për reformimin e sistemit të sëmurë të shëndetësisë. Sipas ligjit gjatë gjashtë muajve në vijim nuk mund të ketë kërkesë të re për votë mosbesimi mbi të njëjtën temë. Mirëpo, madje të ketë kërkesë për mocion mosbesimi nga ana e opozitës për shkak të ndonjë teme tjetër, ka pak të ngjarë që ai të pranohet. Përveç kësaj gjatë pothuajse tri dekadave të demokracisë kontradiktore në Bullgari nuk ka pasur mocion të suksesshëm të mosbesimit. Në fakt në historinë më të re të vendit ka një votë të tillë të suksesshme, por si rezultat i kërkesës së votës së besimit nga ana e qeverisë së parë të Bashkimit të Forcave Demokratike, të udhëhequr nga Filip Dimitrov. Mirëpo ka pak të ngjarë që ky kazus unikal të përsëritet.
Përgatiti në shqip: Vesella Mançeva
Kreu i shtetit Rumen Radev bëri thirrje për veprime konkrete të menjëhershme nga qeveria bullgare dhe institucionet evropiane për respektimin e parimeve evropiane për zgjerimin e Bashkimit Evropian. “Qeveria e re në shtetin tonë fqinj ka treguar..
Festa e Frymës së Shenjtë në Bullgari shënohet edhe si Dita e Maqedonisë. Tradita filloi pas Kryengritjes së Ilindenit të vitit 1903, pasi fillimisht ishte Dita e Luftës për Maqedoninë dhe Edrenenë, dhe pas Luftës së Parë Botërore u bë "Dita e..
Kryebashkiaku i Stambollit kritikoi marrëveshjen për emigrantët mes Turqisë dhe BE-së Kryetari i bashkisë së Stambollit dhe një kundërshtar i presidentit Erdogan, Ekrem Imamoglu, kritikoi ashpër marrëveshjen e vitit 2016 midis..
Qëllimi i parë dhe më i rëndësishëm është miratimi i një buxheti. Synimi i dytë është Plani i Rimëkëmbjes dhe Qëndrueshmërisë. Eurozona është një..
Maqedonia e Veriut nuk ka politika të qëndrueshme ndaj fqinjëve të saj, tha Ali Ahmeti në mbledhjen e Këshillit të Përgjithshëm të Bashkimit Demokratik..