Para disa vitesh tre muzikantë të njohur në skenën bullgare morën vendim për t’u takuar, që t’i përkushtohen hobit të tyre – të interpretojnë blus dhe rock and roll. Kështu u krijua indi-grupi muzikor bullgar “Tube Hedzzz”, ku bëjnë pjesë Angell Djullgerov (kitara, vokali), Veselin Veselinov-Eko (bas) dhe Rosen Vatev (bateri). Albumi i tyre i parë “Back to the Bluezzz” doli në tregun muzikor në vitin 2013 dhe gëzon një sukses të madh. Të preokupuar nga angazhimet e tyre individuale muzikantët e lënë “Tube Hedzzz” në plan të dytë. Tani, pesë vjet më vonë, tashmë është fakt albumi i tyre i dytë me titullin “Beyond”. Ata tashmë nuk janë tre, por katër.

“Procesi i punës mbi album zhvillohej në mënyrë standarde, por angazhimet e çdo një prej nesh e vonoi përfundimin e “Beyond” – tregoi Angell Djullgerov. – Është vështirë të përqendrohemi vetëm mbi këtë projekt. E vërteta është se “Tube Hedzzz” është një formacion shumë special për ne, sepse nëpërmjet muzikës që ne krijojmë, shprehim vetveten. Në muzikë ne jemi të tillë, siç jemi në të vërtetë. Struktura e pjesëve është e vështirë. Duke punuar mbi to ne të tre konstatuam se kemi nevojë për një keyboard-ist. Kështu Pllamen Dençev, një muzikant shumë i mirë nga “Funky Miracle” u gjend në grupin tonë.”

“Në një moment të karrierës sime interpretimet e mia të muzikës së stilit rock-and roll u pakësuan – thotë Eko. – Erdhi koha të fillojë të kem uri si të thuash për këtë stil. Duke u kthyer disa vite në të kaluarën po kuptoj se fillova pikërisht nga rock-and roll-i dhe në një moment ai filloi të më mungonte shumë. Grupet e mëdha të këtij stili nga vitet 70 të shekullit të kaluar luajtën një rol kryesor në formimin tim si muzikant. Doli se është kështu edhe për Rosenin, edhe për Angelin. Ata gjithashtu janë adhurues të mëdhenj të kësaj muzike. Kjo na bashkon. Në albumin “Beyond” ne e zhvillojmë këtë tingëllim në këtë mënyrë të re.”

Singëli pilot “Broken Machine” është kompozuar nga Rosen Vatev. Ai ka akoma një pjesë në album – An Ordinary Feeling. Veselin Veselinov –Eko gjithashtu ka kontribut në projekt me pjesën e vet On the Run. Të tjerat janë kompozuar kryesisht nga Angell Djullgerov. Ka dhe një pjesë të muzikantit të njohur të stilit rock Vasko Krëpkata (Vasko Arnesa), me titullin “Qeni”.

Albumi “Beyond” ka 12 këngë. Ato do të paraqiten në festivale të ndryshme rock në Bullgari në vitin 2019. Videoja pranë singëlit-pilot Broken Machine është pothuajse e gatshme. Regjisori i saj është Georgi Manov, i cili e ka bërë sesionin fotografik të katër muzikantëve për albumin.

Përgatiti në shqip: Vesella Mançeva