Në një intervistë të dhënë për Radion Kombëtare Bullgare nga Bostoni, SHBA, ku po ndodhet për vizitë pune, Zëvendësministri i punëve të jashtme Georg Georiev deklaroi se sipas qeverisë negociatat për blerjen e avionëve asgjësues amerikanë F-16 do të përfundojnë gjatë verës së këtij viti. Kritikat e opozitës të lidhura me këtë çështje Georgievi i cilësoi si “kundërproduktive”, duke nënvizuar se marrëveshja për avionët ushtarakë sjellë një vlerë të shtuar të lartë për shtetin dhe për ushtrinë tonë. Përveç kësaj ajo është me rëndësi strategjike në kontekstin e pozitës gjeopolitike të Bullgarisë në rajonin e Ballkanit dhe Evropës Qendrore dhe Lindore.