Zyra e shtypit e Vatikanit publikoi programin për vizitën  e papës Françesku në Bullgari dhe në Maqedoninë e Veriut, që do të zhvillohet në periudhën 5-7 maj të këtij viti. Shenjtëria e Tij do të mbërrijë në Sofje më 5 maj. Fjalimin e vet të parë në tokën bullgare do ta mbajë përpara përfaqësuesve të institucioneve, veprimtarëve shoqërorë dhe anëtarëve të korpusit diplomatik në sheshin Atanas Burov rpara ndërtesës së Presidencës. Gjatë ditës së parë të vizitës së tij papa do të vizitojë Patriarkanën Bullgare, kurse gjatë ditës së dytë - një kamp për strehimin e refugjatëve dhe qytetin Rakovski, ku do të shërbejë një meshë në kishën vendase rimo-katolike “Zemra e Shenjtë”. Më 7 maj Shenjtëria e Tij do të niset me avion nga Sofja për në Shkup.