Gjatë viteve të fundit turizmi bullgar zhvillohet me sukses. Në vitin 2018 për herë të parë vizitat e turizave të huaj u bënë më shumë se 9,2 miliona, duke regjistruar një rritje prej 4,4%. Këtë e konstatoi Ministrja e turizmit Nikolina Angellkova, e cila hapi Ekspozitën e XVI Ndërkombëtare “Turizmi Kulturor” në qytetin Veliko Tërnovo të Bullgarisë Qendrore. Ministrja nënvizoi se Bullgaria është ndër 3 vendet më të pasura evropiane sa u përket artefakteve të zbuluara, pas Italisë dhe Greqisë dhe se vendi ynë po punon për popullarizimin e kësaj pasurie. Angellkova tha gjithashtu se sivjet është regjistruar një ulje 2% të prenotimeve të hershme turistike, por diskutohen masa për inkurajimin e turizmit të organizuar.