Prokuroria e Lartë e Kasacionit ka nisur hetim pas publikimeve në media për pronat e patundshme të deputetes dhe kandidates për Parlamentin Evropian Elena Jonçeva. Brenda një afati 1-mujor hetimi duhet të sqarojë nëse tri hotelet e vogla të saj të ndërtuara me mjete evropiane përdoren sipas destinimit të tyre. Do të kërkohen kopjet e dokumenteve për akomodimin e turistëve (shtetas të huaj dhe bullgarë), dokumentacioni për regjistrimin dhe kategorizimin e objekteve turistike, informacioni për taksat e paguara turistike. Kontrollimi i dokumenteve është në lidhje me masën 311 “Diversifikimi i aktiviteteve jobujqësore” në kuadrin e Programit për Zhvillimin e Rajoneve Rurale, i cili financohet nga Fondi Evropian i Bujqësisë për zhvillimin e rajoneve rurale.