Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Një pjesë nga projektet për modernizimin e ushtrisë mund të marrin financim nga Fondi Evropian i Mbrojtjes

Një pjesë e madhe nga evropianët mendojnë se mbrojtja e përbashkët evropiane do të jetë e dobishme për Kontinentin e Vjetër dhe do të kontribuojë për përballimin e rreziqeve dhe kërcënimeve moderne, tregojnë të dhënat  nga studimi i zhvilluar kohët e fundit sociologjik, të nxjerra gjatë kohës së konferencës ndërkombëtare me temë “Mbrojtja Evropiane-mundësi dhe perspektiva”.

Por, në agjendën evropiane dominojnë tema dhe probleme, të cilat më shpesh janë larg nga këto për mbrojtjen dhe sigurinë. Shkaqet që qytetarët evropianë të mos e kuptojnë rëndësinë e temës, kurse debati mbi të, të jetë i ndërlikuar janë të ndryshme. Sipas kryetarit të Forumit të Sofjes për siguri Jordan Bozhillov një prej tyre është e lidhur me kulturën e ndryshme mbrojtëse dhe punën në situata kritike, gjë e cila u lejon disa prej vendeve të marrin vendime më shpejt nga të tjerat. Është fakt dhe se aftësitë mbrojtëse dhe bazat në shtetet e ndryshme nuk janë në të njëjtin nivel. Në dukje është dhe pikëpamja e ndryshme për rolin  e NATO-s dhe të Shteteve të Bashkuara  në sigurinë dhe mbrojtjen. Mungon dhe një vendim i përgjithshëm se cila do të jetë struktura dhe pjesëmarrja e shteteve-anëtare të Bashkimit Evropian në mbrojtjen e përgjithshme. Për Gjermaninë është e rëndësishme pjesëmarrja e të gjitha shteteve evropiane, kurse Franca do  që të bashkëpunojë vetëm me disa prej tyre.

Kryetari i Komisionit për Mbrojtjen në Kuvendin Popullor, gjenerali  Konstantin Popov, rikujtoi se siguria dhe stabiliteti në Bashkimin Evropian dhe në Ballkan qe një nga prioritetet e Presidencës Bullgare  të Këshillit të Bashkimit Evropian përpara një viti, të cilin vendi mundi ta kryej. Ai përshëndeti dhe pasqyrën e filluar strategjike të mbrojtjes, e cila është e rëndësishme nga pikëpamja e gatishmërisë dhe e aftësisë së Bullgarisë për kryerjen si të operacioneve luftarake, kështu dhe të operacioneve paqësore në ndihmë të popullsisë. Sa i përket riarmatimit të ushtrisë bullgare, në një intervistë për Radio Bullgarinë ish-ministri i mbrojtjes Angjell Najdenov, vuri në dukje:

Shpresoj se do të kryhet angazhimi i ministrit të mbrojtjes  se deri në muajin korrik mund të kemi projekt-marrëveshje për furnizim të tipit të ri të avionit luftarak. Njëkohësisht  u hapën dhe ofertat e dhëna për marrjen  e tipit të ri të luftanijeve të patrullimit. Presim që në gjysmën e parë të muajit qershor të kemi informacion nga ana e komisionit ndër-dikasterial me klasifikimin përkatës dhe pjesëmarrësin e caktuar për zbatues të projektit. Sa i përket projektit të tretë për nga madhësia lidhur me modernizimin-makinat e blinduara luftarake për ushtritë tokësore, aty për fat të keq akoma jemi në etapën e shqyrtimit të kritereve, të cilave duhet t’u përgjigjet ky projekt dhe aftësitë, të cilat duhet t’i kenë makinat luftarake. Ai mjerisht mbetet mbrapa në krahasim me dy projektet e tjera, por shpresoj se mund të avancohet koha e lëshuar.

Najdenov shtoi se projektet për modernizimin janë objekt  i marrëveshjeve bilaterale dhe një pjesë prej tyre mundet të përfshihen në projektet shumëkombëshe, të cilat të marrin një farë financimi nga Fondi Evropian i Mbrojtjes. Bullgaria ka përvojë me pjesëmarrje në projekte të ngjashme, me qenë se ndaj momentit të tanishëm është pjesë e tre prej tyre-për rritjen e mobilitetit ushtarak, krijimin e shpërndarësve logjistikë në përkrahje të një tipi të caktuar operacionesh dhe për përmirësimin e sistemit për mbikëqyrje detare.

Përgatiti në shqip: Nataniela Vasileva

Foto: BGNES dhe armymedia.bg



Последвайте ни и в Google News Showcase, за да научите най-важното от деня!

Më shumë nga rubrika

Popullsia e lejlekëve të bardhë është rritur me një të tretën

Popullsia e riprodhimit të lejlekëve të bardhë - një nga zogjtë më të dashur në vendin tonë - është rritur me 33 për qind në vitet e fundit, sipas të dhënave nga një regjistrim ndërkombëtar i cituar nga BGNES. Sipas rezultateve, në Bullgari janë..

botuar më 25-10-12 6.20.PD
Gazetari Hristo Grozev

Gazetari Hristo Grozev në Berlin: Çmimi evropian vërteton se vitet e mundimit ia vlejnë

Gazetari investigativ bullgar Hristo Grozev mori çmimin e tij si Gazetari Evropian i Vitit në një ceremoni zyrtare në Berlin. Ai ishte një figurë kyçe në kërkimin e ish-menaxherit të Wirecard, Jan Marsalek, në Moskë, si dhe në zbulimin e një numri..

botuar më 25-10-11 12.17.MD
Natalija Efremova

Interes rekord për programin "Unë Zgjedh Bullgarinë" të drejtuar për bullgarët jashtë vendit

Një interes rekord është treguar nga bashkatdhetarët tanë jashtë vendit për programin "Unë Zgjedh Bullgarinë" të Ministrisë së Punës dhe Politikës Sociale. Kjo u raportua në një seancë dëgjimore në Komitetin parlamentar për Politikat për Bullgarët..

botuar më 25-10-11 11.00.PD