Me një fjalim emocionues përpara më shumë se 750 përfaqësuesve të famullive të ndryshme dhe lëvizjeve të kishës katolike në Bullgari, të shpërndara në mënyrë proporcionale sipas madhësisë së komuniteteve të tyre përkatëse, nga qyteti Rakovski Papa Françesku u drejtoi mesazh të gjithë besimtarëve nëpër botë. Ai u bëri thirrje njerëzve që të duan të tjerët pavarësisht nga përkatësia e tyre etnike, sepse dashuria gjithmonë është vetëmohuese dhe gjithmonë hap dyert, të mos u vënë etiketa të tjerëve dhe të jenë optimistë, sepse pesimistët asnjëherë nuk bëjnë mirë dhe shkatërrojnë çdo gjë, kurse optimistët krijojnë shpresë në shoqëri. Ata të cilët ishin të pranishëm në takim u lutën bashkë me Papën dhe e përcollën me duartrokitje nën tingujt e këngës emblematike “Një trëndafil bullgar”.