Gjatë një aksioni të përbashkët të Ministrisë së Mjedisit dhe Ujërave dhe të fondacionit “Katër putra”, në Parkun Kombëtar “Ballkani Qendror” u kthyen në natyrë tre arinj të vegjël, të shpëtuar para një viti në një rrugë afër liqenit artificial “Dospat” në Rodopet Lindore. Atëherë nëna e tre këlyshëve nuk u gjet. Tre arinjtë Radostina, Mitko dhe Jonas kaluan afro një vit në qendrën shpëtimtare “Arkturos” në Greqi, ku në kuadrin e një programi të posaçëm për riadaptim u mësuan se si të mbijetojnë në natyrë. Sipas specialistëve nga ana bullgare dhe ajo greke kafshët tashmë kanë arritur moshën dhe përmasat e përshtatshme që të kthehen në mjedisin e tyre të natyrshëm. Këlyshëve u janë vendosur pajisje GPS, që të mund të ndiqen.