Bullgaria është në vend të parë ndër shtetet-anëtare të Bashkimit Evropian me pjesën më të madhe të njerëzve, të cilët jetojnë në situatë të rëndë ekonomike -  21%, ose çdo bullgar i pestë. Këtë e tregojnë të dhënat e Zyrës Evropiane të Statistikave – Evrostat për vitin 2018. Sipas metodës së “Evrostatit” njerëzit, të cilët jetojnë në kushte të rënda materiale nuk mund të mbulojnë të paktën katër prej elementeve në vijim: të paguajnë rregullisht llogaritë e veta, të sigurojnë ngrohtësi të mjaftueshme në shtëpi, të mbulojnë shpenzime të papritura, të hanë rregullisht mish, apo ekuivalentet e tij vegjetariane, të pushojnë të paktën një javë larg shtëpisë, të kenë televizor, rrobalarëse, automjet dhe telefon.