Bullgarët fitojnë mesatarisht 193 euro në vit nga pjesëmarrja e shtetit në tregun e vetëm evropian. Kjo është një vlerë e shtuar prej 2.8% ndaj të ardhurave, apo para, të cilat bullgarët do t’i humbisnin, po të ishin jashtë Bashkimit Evropian. Shuma është shumë herë më e vogël në krahasim me të ardhurat në ekonomitë evropiane, të cilat përfitojnë më shumë nga lëvizja e lirë e mallrave, kapitaleve, shërbimeve dhe krahut të punës ndër 28 vendet e komunitetit. Një gjerman fiton nga tregu i vetëm në formën e të ardhurave suplementare 1046 euro në vit. Më të favorizuara janë rajonet ekonomike qendrore të BE-së dhe qytetet e mëdha, kurse më pak fitojnë shtetet periferike dhe kufitare. Evropiani mesatar merr nga 840 euro në vit, tregon studimi i fondacionit Bertelsmann.