Bullgaria është në një nga vendet e fundit në BE për nga aftësitë digjitale të krahut të punës, tha kryetari i Konfederatës së Sindikatave të Pavarura në Bullgari Pllamen Dimitrov. Dimitrovi bëri thirrje për organizimin e një programi shtetëror për përfitimin e aftësive bazë digjitale në kuadrin e programeve operative të ofruara nga Bashkimi Evropian. Shuma e nevojshme për rritjen e kualifikimit apo për rikualifikimin e një personi është 300 euro, llogaritin specialistët e Konfederatës. Sipas prognozave për një periudhë 5-vjeçare shpenzimet e këtij programi do të tejkalojnë 1 mlrd. euro. Për digjitalizimin e ardhshëm Dimitrovi dha si shembull se deri në vitin 2020 robotët me intelekt artificial do të zbatojnë 85% prej veprimeve të lidhura me shërbimin e klientëve.