Ambasadori i Turqisë në Sofje Hasan Ulusoj ishte thirrur në Ministrinë e Punëve të Jashtme. Ai ishte paralajmëruar se deklarata e tij se Bullgaria duhet të inkurajojë mësimin e gjuhës turke me qëllim rritjen e investimeve turke tek ne, nuk është e pranueshme. Investimet e Turqisë në Bullgari nuk mund të ndërlidhen në asnjë mënyrë me mësimin e turqishtes, por duhet të ndjekin vetëm logjikën ekonomike, deklarojnë nga Ministria e Punëve të Jashtme. Është nënvizuar se investitorët turq duhet të respektojnë gjuhën zyrtare në Bullgari dhe do të ishte më mirë po të përkrahin përgatitjen e kuadrove, të cilët dinë gjuhën bullgare, derisa mësimi i gjuhëve të huaja është çështja e zgjedhjes së lirë të secilit shtetas bullgar dhe Bullgaria ka siguruar të gjitha kushtet për mësimin e lirë të gjuhëve të huaja. Ulusoj ka thënë se fjalët e tij janë interpretuar gabimisht dhe shpjegoi se nuk ka dhënë këshilla për mësim të detyrueshëm të gjuhës turke tek ne, informoi MPJ.