Në Shkup më 6 dhe 7 qershor zhvillohet seanca e radhës e komisionit bullgaro-maqedonas për çështjet e përbashkëta të diskutueshme historike. Diskutohet historia antike dhe mënyra, në të cilën ajo është prezantuar në librat shkollorë të klasës së pestë në Bullgari dhe në ata të klasës së gjashtë në Maqedoninë e Veriut. Qëllimi i ekspertëve është që të bashkërendojnë pozitat e të dyja vendeve, të depolitizojnë dhe të denacionalizojnë materialin historik dhe mënyrën e prezantimit të tij në shkollë. Në takimin e fundit gjatë prillit në Sofje ata shprehën mendimet e tyre për historinë e përbashkët antike dhe mesjetare. Sipas bashkëkryetarit maqedonas të komisionit Dragi Georgiev mospërputhjet më të mëdha janë lidhur me hartografimin dhe interpretimin e materialit. Akoma nuk kanë filluar diskutimet për periudhat për të cilat ka më shumë diskutime dhe kontradikta – ato të shekujve XIX dhe XX.