Korporata shtetërore “Rosatom” planifikon të marrë pjesë veçmas në tenderin për ndërtimin e centralit të dytë atomik në Bullgari – “Belene”. Këtë e ka deklaruar drejtori i “Rosatom” Aleksej Lihaçov në Forumin Ekonomik Ndërkombëtar në Shën Petersburg. Gjatë vitit 2006 kompania “Atomstroyexport”, e cila është pjesë e “Rosatom” fitoi tenderin ndërkombëtar për ndërtimin e dy blloqeve energjetike të këtij centrali dhe në kantierin e tij po ndodhet pajisja e prodhuar dhe e furnizuar. Në vitin 2009 projekti ishte pezulluar, kurse në vitin 2012 Sofja hoqi dorë nga ndërtimi i centralit bërthamor. Mirëpo sivjet përsëri ishte shpallur tender për ndërtimin e centralit.

Marrëdhëniet ndërmjet Bullgarisë dhe Rusisë përmirësohen gradualisht, ka deklaruar Presidenti rus Vladimir Putin, duke shtuar se prova më e mirë për këtë është rritja e qëndrueshme që nga fillimi i vitit e shkëmbimit të mallrave mes të dy vendeve.