Për një mungesë të konsiderueshme të ilaçeve në vend sinjalizoi kryetari i Dhomës Kombëtare të Farmacistëve Anton Vëlev. Vetëm për një vit nga tregu bullgar janë zhdukur 160 medikamente, ndër të cilat ka edhe jetëshpëtuese. Ndër arsyet për këtë është sistemi i llogaritjes së çmimeve në Bullgari, i cili e bën Bullgarinë një treg jointeresant për prodhuesit e mëdhenj të ilaçeve dhe ata tërhiqen nga vendi. Shkaqet e tjera janë rieksporti, dhe kjo se jo të gjitha kompanitë janë gati t’i prodhojnë paketat e reja me shenjat e kodimit të kërkuara nga Bashkimi Evropian për verifikim. Vëlevi bëri thirrje për bashkërendimin e politikës kombëtare për medikamentet, e cila do të parandalojë probleme të tilla.