Në një intervistë televizive kryetarja e Partisë Socialiste Bullgare (BSP) Kornelija Ninova shpjegoi se të dielën në kongresin e jashtëzakonshëm të partisë e ka tërhequr dorëheqjen e saj të shpallur publikisht pak më herët, sepse e kanë bindur ta bëjë këtë. Sipas Ninovës dorëheqja është një gjë morale dhe logjike pas rezultateve të pakënaqshme për partinë e saj gjatë Zgjedhjeve Evropiane. Por situata e krijuar pas shpalljes së dorëheqjes ka qenë arsyeja për ndryshimin e vendimit. Në vend të parë sepse ka filluar tregtia për Partinë Socialiste Bullgare – grupe të ndryshme biznesmenësh kanë filluar të bëjnë plane për kandidatura të përshtatshme për udhëheqës të ri, i cili do t’i mbrojë interesat e tyre. Arsyeja e dytë sipas Ninovës është perspektiva e pafavorshme për rënie të konsiderueshme të mbështetjes së Partisë Socialsite Bullgare para zgjedhjeve lokale gjatë vjeshtës. Kështu, duke qenë përpara dilemës ta dorëzojë partinë në duart e interesave korporatave, apo të harrojë egon e saj, Ninova e ka parapëlqyer variantin e dytë.