Ka potencial të madh për thellimin e marrëdhënieve dypalëshe në fushën e energjetikës, ku Rusia dhe Bullgaria janë partnere tradicionale. Këtë e tha Kryetarja e Kuvendit Popullor bullgar Cveta Karajançeva në fjalinë e saj para anëtarëve të Këshillit të Federatës të Asamblesë Federale të Rusisë. Karajançeva shtoi se bashkëpunimi në energjetikë duhet të vazhdojë në kushtet e respektimit të disa parimeve: dobi praktike për të dyja palët, transparencë, siguri të furnizimeve dhe çmime të formuara në bazë të kushteve tregtare. Ajo nënvizoi se Bullgaria e përkrah mundësinë për degëzimin e gazsjellësit “Rryma Turke” përmes territorit të Bullgarisë në kontekstin e krijimit të qendrës regjionale shpërndarëse të gazit “Ballkan”. Kështu do të arrijmë diversifikim real të furnizimeve dhe çmime konkurruese, shtoi ajo.

Më vonë gjatë takimit të Karajançevës me Kryetarin e Dumës Shtetërore Vjaçeslav Volodin ajo deklaroi se Bullgaria ka interes për aktivizimin e lidhjeve ekonomike ndërmjet të dyja vendeve në bazë të pragmatizmit dhe dobisë së ndërsjellë.