Lehtësojmë kontrollin doganor për qytetarët nga BE-ja, tha ministri i punëve të brendshme Marin Marinov në lidhje me numrin e rritur të udhëtuesve gjatë sezonit të pushimeve dhe radhët e gjata në pikat e kalimit kufitar. Janë ndërmarrë të gjitha masat kundër vonimit të kontrollimeve, por kapaciteti i pikave të kalimit nuk u përgjigjet nevojave. Problemi mund të zgjidhet vetëm në bashkëpunim me vendet fqinje, tha Marinovi dhe dha shembull me Rumaninë dhe Greqinë. Në kufirin grek kontrollimet tashmë bëhen vetëm në një pikë dhe kështu trafiku është lehtësuar 50%, derisa në kufirin rumun, pavarësisht nga zgjerimi i infrastrukturës në pjesën bullgare trafiku vazhdon të jetë i rrënduar sepse infrastruktura në Rumani nuk është ndryshuar. Kulmi i lëvizjes nga Evropa për në Turqi zakonisht është në muajin korrik dhe presim rritje të trafikut rrugor, prandaj shtojmë numrin e policëve në autostrada, shpjegoi ministri