Komisioni Evropian pohoi prognozën për rritjen e ekonomisë bullgare 3,3% për vitin 2019 dhe 3,4% gjatë vitit 2020. Për shkak të faktorëve të jashtëm negativë pritet një vonim i ritmeve  të rritjes gjatë gjysmës së dytë të vitit. Tendencat pozitive në të ardhurat e disponueshme do të ndihmojnë për ruajtjen e dinamikës së konsumit privat. Fitimet e qëndrueshme, kushtet e përshtatshme financiare dhe pritjet optimiste për ekonominë vendase do t'i stimulojnë investimet. Rritja e besimit të konsumatorëve mund të inkurajojë shpenzimet private, thuhet në prognozat . Gjatë 5 muajve të parë të vitit 2019 inflacioni është në rritje për shkak të çmimeve më të larta të lëndëve djegëse dhe shtrenjtimit të ushqimeve dhe do të rritet akoma pas rritjes së çmimit të korrentit, vë në dukje raporti. Pritet se norma e inflacionit do të ulet deri më 2,4% gjatë vitit 2019 dhe deri më 1,7% gjatë vitit 2020.