Shpresojmë se me rastin e përvjetorit të 70-të të vendosjes së marrëdhënieve diplomatike ndërmjet Bullgarisë dhe Kinës, do të arrijmë rezultate të konsiderueshme, tha kryeministri Bojko Borisov në takimin e tij me zëvendëskryeministrin Li Hongzhong. Borisovi nënvizoi se Sofja i përkrah nismat “17+1” dhe “Një brez, një udhë”. “Dëshirojmë që ato të sjellin rezultate praktike me anë të zhvillimit të projekteve energjetike dhe infrastrukturore në Bullgari me investime dhe pjesëmarrje kineze, duke respektuar parimet dhe normat e Bashkimit Evropian dhe pa garanci shtetërore”, tha kryeministri bullgar. Borisovi shtoi se jo në vend të fundit, shpresojmë se me ndihmën e miqve tanë kinezë do të hapim tregun tonë për turistët nga Kina.