Zëvendëskryeministrja dhe ministrja e punëve të jashtme Ekaterina Zaharieva dhe ministri i punëve të brendshme Mlladen Marinov morën pjesë në takimin joformal të ministrave të brendshëm dhe të jashtëm të vendeve të Bashkimit Evropian dhe të Hapësirës Shengen në Paris, të lidhur me problemet aktuale të migracionit në Detin Mesdhe. Zaharieva tha se masat e përkohshme nuk mund të ofrojnë zgjidhje të qëndrueshme dhe ka nevojë për mekanizëm të përhershëm për kufijtë detarë dhe tokësorë. “Po të dëshirojmë të parandalojmë hyrjet ilegale në BE, ka nevojë për punë serioze me të gjitha shtetet që ndodhen në itinerarin e refugjatëve”, nënvizoi Zaharieva. Sipas saj duhet të vazhdojnë përpjekjet për implementim efektiv të marrëveshjeve për readmision me shtetet e treta. Ministrat bullgarë deklaruan qartë se janë kundër pranimit të migrantëve drejtpërsëdrejti nga anijet.