Komisioni Sportiv i Kalifornisë rivendosi licencën e Kubrat Pulevit dhe ai do të mund të boksojë profesionalisht në shtetin amerikan. Kjo u realizua pasi vetë Kubrati iu përgjigj disa pyetjeve të anëtarëve të Komisionit. Ju rikujtojmë se boksieri bullgar e humbi licencën e vet, pasi puthi publikisht gazetaren Jennifer Ravalo. Ajo bashkë me avokaten e vet Gloria Allred lexuan deklarata të gjata dhe u përpoqën ta bindin Komisionin për të ndëshkuar jo vetëm Pulevin, por edhe promotorin e tij Bob Arum. Me unitet të plotë 6 anëtarët e Komisionit Sportiv morën vendim në dobi të bullgarit, por me kushtin se ne rast lëndimi tjetër të tillë në të ardhmen nga ana e bullgarit licenca e tij do të hiqet për gjithmonë.