Në sencën e Këshillit Kombëtar të Turizmit ishte diskutuar Programi Kombëtar për reklamën e turizmit për vitin 2020. Financimi do të rritet, por në fund të muajit gusht do të bëhet e qartë shuma konkrete. Në buxhetin e Ministrisë së Turizmit mjetet financiare për reklamë për vitin 2019 janë 11 miliona leva (rreth 5,5 miliona euro). Për vitin tjetër do të ketë nevojë për të paktën 50% më shumë para.

Në fundin e korrikut do të dalin të dhënat statistikore për sezonin turistik gjatë qershorit. Që nga fillimi i vitit deri në fundin e majit Bullgaria është vizituar nga 2,4 miliona turistë dhe rritja është 1%. Ministrja Angellkova tha se po zhvillohen takimet me përfaqësuesit e tregjeve më të rëndësishme për vendin tonë. Përveç kësaj diskutohen mundësitë për tërheqjen e turistëve nga tregjet jo tradicionale për turizmin tonë, si ShBA-ja, India, Kina dhe Lindja e Mesme.